ന്യൂഡല്ഹി: ഡല്ഹിയില് പ്രധാനമന്ത്രിയുടെ വസതിയുള്പ്പെട്ട സെന്ട്രല് വിസ്ത നിര്മാണത്തിന്റെ ചിത്രങ്ങള് പകര്ത്തുന്നതിന് വിലക്ക്. നിര്മാണ സ്ഥലത്ത് ഫോട്ടോ, വിഡിയോ ചിത്രീകരണത്തിന് നിരോധനം ഏര്പ്പെടുത്തിയതായി കേന്ദ്ര പൊതുമരാമത്ത് വകുപ്പ് ബോര്ഡ് സ്ഥാപിച്ചു.
രാജ്യത്ത് കോവിഡ് വ്യാപനം രൂക്ഷമായിരിക്കുന്നതിനിടെ കേന്ദ്ര സര്ക്കാര് സെന്ട്രല് വിസ്ത പദ്ധതിയുമായി മുന്നോട്ടുപോകുന്നതില് പ്രതിപക്ഷ നേതാക്കള് ഉള്പ്പെടെ രംഗത്തെത്തിയിരുന്നു. ഇതിന് പിന്നാലെയാണ് ഫോട്ടോ, വിഡിയോ ചിത്രീകരണത്തിന് നിരോധനം ഏര്പ്പെടുത്തിയത്.