തൊടുപുഴ: സംസ്ഥാനത്ത് നിലവാരമില്ലാത്ത പള്സ് ഓക്സിമീറ്ററുകളുടെ വില്പന വ്യാപകമായതിനെ തുടര്ന്ന് ശക്തമായ നടപടിയുമായി സര്ക്കാര്. കഴിഞ്ഞ നാലു ദിവസത്തിനിടെ 56 ലക്ഷം രൂപ വിലവരുന്ന പള്സ് ഓക്സിമീറ്ററുകളാണ് സംസ്ഥാനത്ത് വിവിധ ഭാഗങ്ങളില് നിന്നായി പിടികൂടിയത്. കോവിഡ് ബാധിതരുടെ എണ്ണം വര്ധിച്ചതിനനുസരിച്ച് പള്സ് ഓക്സിമീറ്ററിന് ആവശ്യക്കാര് കൂടിയതാണ് വ്യാജ ഉത്പന്നം വിപണിയിലെത്തിയത്.
ചൈനീസ് നിര്മിത മീറ്ററുകള് മുംബൈയില്നിന്ന് കേരളത്തില് എത്തിച്ച് 1500 രൂപ മുതല്ക്കാണ് വിറ്റഴിക്കുന്നത്. ഡ്രഗ്സ് കണ്ട്രോള് വിഭാഗം നടത്തിയ പരിശോധനയില് അനധികൃതമായി എത്തിച്ച 56.38 ലക്ഷത്തിന്റെ നിലവാരമില്ലാത്ത പള്സ് ഓക്സിമീറ്ററുകളാണ് കണ്ടെത്തിയത്.2017ലെ മെഡിക്കല് ഉപകരണ ചട്ടങ്ങള് പാലിക്കാത്തവയാണ് തിരിച്ചയക്കുന്നതെന്ന് സംസ്ഥാന ഡ്രഗ്സ് കണ്ട്രോളര് കെ.ജെ. ജോണ് പറഞ്ഞതായി റിപ്പോര്ട്ട്.