തിരുവനന്തപുരം: സൗദി അറേബ്യയില് വാഹനാപകടത്തില് മരിച്ച മലയാളി നഴ്സുമാരുടെ മൃതദേഹം നാട്ടിലെത്തിച്ചു. തിരുവനന്തപുരം സ്വദേശി അശ്വതി വിജയന്, കോട്ടയം സ്വദേശി ഷിന്സി ഫിലിപ്പ് എന്നിവരുടെ മൃതദേഹങ്ങളാണ് നാട്ടിലെത്തിച്ചത്. മൃതദേഹങ്ങള് ബന്ധുക്കള് ഏറ്റുവാങ്ങി.
സൗദി കിംഗ് ഖാലിദ് ആശുപത്രിയിലെ നഴ്സുമാരാണ് ഇരുവരും. ജൂണ് അഞ്ചിനാണ് നജ്റാനില് നഴ്സുമാര് സഞ്ചരിച്ച ടാക്സി കാര് അപകടത്തില്പ്പെട്ടത്. പരിക്കേറ്റ മറ്റു രണ്ടു മലയാളി നഴ്സുമാരും ഡ്രൈവറും ചികിത്സയിലാണ്.