![“Manju”](https://santhigirinews.org/wp-content/uploads/2020/04/YOUTUBE.jpg")
വാഷിങ്ടണ്‍: ആഗോള കോര്‍പറേറ്റ് ഭീമന്‍മാരായ മൈക്രോസോഫ്റ്റ് കോര്‍പറേഷന്റെ പുതിയ ചെയര്‍മാനായി സത്യ നദെല്ല തെരഞ്ഞെടുക്കപ്പെട്ടു . 2014 മുതല്‍ മൈക്രോസോഫ്റ്റിന്റെ ചീഫ് എക്സിക്യൂട്ടീവ് ഓഫിസറാണ് സത്യ നദെല്ല. ജോണ്‍ തോംസന്റെ പിന്‍ഗാമിയായാണ് സത്യ നദെല്ല ചെയര്‍മാന്‍ പദവിയിലെത്തുക. അതെ സമയം നിലവിലെ ചെയര്‍മാന്‍ ജോണ്‍ തോംസണെ ലീസ് ഇന്‍ഡിപെന്‍ഡന്‍റ് ഡയറക്ടറായും കമ്പനി നിയമിച്ചു.
2014 ലാണ് സത്യ നദെല്ല സി.ഇ.ഒയായി ചുമതലയേല്‍ക്കുന്നത്. സ്റ്റീവ് ബാള്‍മറിന് ശേഷമാണ് നദെല്ല സി.ഇ.ഒ തലപ്പത്തെത്തുന്നത് .
ലിങ്ക്ഡ് ഇന്‍, നുവാന്‍സ് കമ്യൂണിക്കേഷന്‍സ്, സെനിമാക്സ് തുടങ്ങിയ കോടികളുടെ ഏറ്റെടുക്കലിനും ബിസിനസ് കുതിപ്പിലും സജീവ പങ്കാളിത്തമുണ്ടായിരുന്നു . മൈക്രോസോഫ്റ്റ് ബോര്‍ഡില്‍ നിന്ന് സ്ഥാപകന്‍ കൂടിയായ ബില്‍ ഗേറ്റ്സ് പടിയിറങ്ങിയതിന് പിന്നാലെയാണ് കമ്പനിയുടെ പുതിയ നേതൃമാറ്റം .
