![“Manju”](https://santhigirinews.org/wp-content/uploads/2020/04/YOUTUBE.jpg")
ലണ്ടന്‍: ലോകം കോവിഡിനെ പ്രതിരോധിക്കാന്‍ എല്ലാവര്‍ക്കും വാക്സിന് കവചം എത്തിക്കാനുള്ള ശ്രമത്തില്‍ കോവിഡ് വാക്സിന് മൂന്നാം ഡോസിന് അനുമതി തേടാനൊരുങ്ങി ഫൈസര്‍.ഇതിനായി അമേരിക്കയിലെ ഫുഡ് ആന്റ് ഡ്രഗ് അഡ്മിനിസ്ട്രേഷന്റെ അനുമതി തേടാനൊരുങ്ങുകയാണ് ഫൈസര്‍ . പുതിയ വകഭേദങ്ങള്‍ക്കെതിരെയടക്കം അഞ്ചു മുതല്‍ പത്തു മടങ്ങു വരെ അധിക പ്രതിരോധം ഇതിലുടെ സാധ്യമാകുമെന്നാണ് കമ്ബനിവ്യക്തമാക്കുന്നത്.
അമേരിക്കയില്‍ കോവിഡിന്റെ ഡെല്‍റ്റ വകഭേദം ചില മേഖലകളില്‍ വ്യാപിക്കുന്നുണ്ട്. ഡെല്‍റ്റ വകഭേദത്തിനെതിരെ ഉയര്‍ന്ന പ്രതിരോധ ശേഷി നല്‍കാന്‍ മൂന്നാം ഡോസിന് കഴിയുമെന്നാണ് ഫൈസര്‍ അവകാശപ്പെടുന്നത്. രണ്ടാം ഡോസെടുത്ത് 12 മാസത്തിനകം മുന്നാമതൊരു ഡോസു കൂടി നല്‍കിയാല്‍ രണ്ട് ഡോസെടുത്തവരെക്കാള്‍ പതിന്‍മടങ്ങ് പ്രതിരോധ ശേഷി വര്‍ധിക്കുമെന്നാണ് ഫൈസര്‍ പറയുന്നത്.
