![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: ലോക്ക്ഡൗണില്‍ വര്‍ക്ക് ഫ്രം ഹോമില്‍ പോയവര്‍ വണ്ടികളും കൂടി കൊണ്ടുപോകണമെന്ന് ആവശ്യപ്പെട്ട് ടെക്നോപാര്ക്ക്. കോവിഡ് പ്രതിസന്ധിയെ തുടര്‍ന്ന് ജീവനക്കാരുടെ സുരക്ഷയെക്കരുതി വര്‍ക്ഫ്രം ഹോം പ്രഖ്യാപിച്ചപ്പോള്‍ ടെക്നോപാര്ക്ക് ക്യമ്പസില്‍ പാര്‍ക്ക് ചെയ്ത വാഹനങ്ങളാണ് നീക്കം ചെയ്യണമെന്ന് ആവശ്യപ്പെട്ടിരിക്കുന്നത്. ലോക്ക്ഡൗണില്‍ ഒരു മാസത്തേക്ക് പ്രഖ്യാപിച്ച വര്‍ക്ക് ഫ്രം ഹോം മിക്ക കമ്പനികളും കഴിഞ്ഞ ഒന്നര വര്‍ഷമായി തുടരുകയാണ്.
സ്വന്തം നാടുകളിലേക്ക് പോയ ഉദ്യോഗസ്ഥരില്‍ ചിലര്‍ സ്വന്തം വാഹനങ്ങള്‍ ടെക്നോപാര്ക്ക് ക്യാമ്പസില്‍ പാര്‍ക്ക് ചെയ്തിട്ടാണ് പോയത്. മാസങ്ങളോളം മഴയും വെയിലുമേറ്റ് ഇത്തരം വാഹനങ്ങള്‍ തുരുമ്പു പിടിച്ചും ഉപയോഗശൂന്യമായും നശിക്കുന്നുവെന്ന് ടെക്നോപാര്ക്ക് അധികൃതര്‍ പറയുന്നു. ഇതോടൊപ്പം വാഹനങ്ങള്‍ സുരക്ഷാ പ്രശ്നമായി മാറിയിരിക്കുന്നുവെന്നും അതിനാല്‍ വാഹനങ്ങള്‍ എത്രയും വേഗം നീക്കം ചെയ്യണമെന്നുമാണ് ജീവനക്കാരോട് ടെക്നോപാര്ക്ക് ആവശ്യപ്പെട്ടിരിക്കുന്നത്
