![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: ബാങ്ക് നിക്ഷേപങ്ങള്‍ക്ക് അഞ്ച് ലക്ഷം രൂപയുടെ ഇന്‍ഷൂറന്‍സ് പരിരക്ഷ നല്‍കുന്ന ഡെപ്പോസിറ്റ് ഇന്‍ഷൂറന്‍സ് ക്രെഡിറ്റ് ഗ്യാരണ്ടി കോര്‍പ്പറേഷന്‍ ബില്‍ 2021ന് അംഗീകാരം നല്‍കി കേന്ദ്രമന്ത്രിസഭ. ബാങ്കുകള്‍ പ്രതിസന്ധിയിലായാല്‍ 90 ദിവസത്തിനുള്ളില്‍ ഇന്‍ഷൂറന്‍സ് തുക നിക്ഷേപകര്‍ക്ക് നല്‍കുന്നതാണ് ബില്‍. പഞ്ചാബ് മഹാരാഷ്ട്ര കോ-ഓപ്പറേറ്റീവ് ബാങ്ക്, യെസ് ബാങ്ക്, ലക്ഷ്മി വിലാസ് ബാങ്ക് തുടങ്ങിയ നിലവില്‍ പ്രതിസന്ധിയിലായ ബാങ്കുകളിലെ നിക്ഷേപകര്‍ക്ക് ആശ്വാസം നല്‍കുന്നതാണ് കേന്ദ്രസര്‍ക്കാര്‍ തീരുമാനം. മൊറട്ടോറിയം പരിധിയിലായ ബാങ്കുകള്‍ ഇനി നിക്ഷേപകര്‍ക്ക് പണം നല്‍കാന്‍ ആര്‍.ബി.ഐയുടെ ഫണ്ടുകള്‍ക്കായി കാത്തിരിക്കേണ്ട ആവശ്യമില്ല.കേന്ദ്രസര്‍ക്കാര്‍ നിക്ഷേപങ്ങള്‍ക്ക് അഞ്ച് ലക്ഷം രൂപ വരെ ഇന്‍ഷൂറന്‍സ് പരിരക്ഷ നല്‍കും. ആര്‍.ബി.ഐ ഉത്തരവ് പ്രകാരം പ്രവര്‍ത്തനം നിര്‍ത്തിയ ബാങ്കുകളിലെ നിക്ഷേപകര്‍ക്കും പുതിയ നിയമത്തിന്‍റെ പരിരക്ഷ ലഭിക്കും.
