![“Manju”](https://santhigirinews.org/wp-content/uploads/2020/04/YOUTUBE.jpg")
ഡെറാഡൂണ്‍: ജനസംഖ്യ നിയന്ത്രണത്തിനുള്ള നയം വേണമെന്ന ആര്‍.എസ്.എസ് നിര്‍ദേശത്തിന് പിന്നാലെ ഇതുമായുള്ള നടപടികള്‍ക്ക് തുടക്കമിട്ട് ഉത്തരാഖണ്ഡ് സര്‍ക്കാര്‍. യുപി , അസം തുടങ്ങിയ സംസ്ഥാനങ്ങള്‍ നടപ്പിലാക്കിയ മാതൃകയില്‍ ഉത്തരാഖണ്ഡിലും ജനസംഖ്യ നിയന്ത്രണം വേണമെന്നായിരുന്നു ആര്‍.എസ്.എസ് ആവശ്യപ്പെടുന്നത് . പിന്നാലെ ഇതിനുള്ള നടപടികള്‍ക്ക് പുഷ്കര്‍ സിങ് ധാമി സര്‍ക്കാര്‍ തുടക്കം കുറിക്കുകയായിരുന്നു.
ചീഫ് സെക്രട്ടറി എസ്.എസ് സാധുവായിരിക്കും സമിതിയെ നയിക്കുക. ജനസംഖ്യ നിയന്ത്രണം വേണമെന്ന ആവശ്യവുമായി എത്തിയത് 35ഓളം പരിവാര്‍ സംഘടനകളാണ്. നൈനിറ്റാള്‍, ഡെറാഡൂണ്‍, ഹരിദ്വാര്‍, ഉദ്ദം സിങ് നഗര്‍, എന്നിവിടങ്ങളില്‍ മുസ്ലിം ജനസംഖ്യ ഉയരുകയാണെന്നും സംഘപരിവാര്‍ യോഗം വിലയിരുത്തിയിരുന്നു. ബി.ജെ.പി ദേശീയ സെക്രട്ടറി ബി.എല്‍ സന്തോഷിന്റെ അധ്യക്ഷതയിലായിരുന്നു യോഗം നടന്നത്.
