കൊവിഡ് വാക്സിനേഷന്, വ്യക്തത വരുത്തി ആരോഗ്യമന്ത്രി
തിരുവനന്തപുരം: സംസ്ഥാനത്തെ കൊവിഡ് വാക്സിനേഷന് രജിസ്ട്രഷനില് വ്യക്തത വരുത്തി ആരോഗ്യമന്ത്രി വീണ ജോര്ജ്. വാക്സിനായി തദ്ദേശ സ്വയംഭരണ രജിസ്ട്രേഷന് ആവശ്യമില്ലെന്നാണ് മന്ത്രി വ്യക്തമാക്കിയിരിക്കുന്നത്. വാക്സിനേഷന്റെ രജിസ്ട്രേഷന് നടത്തുന്നത് കോവിന് പോര്ട്ടലിലാണ്. ഇതില് തദ്ദേശ സ്ഥാപനങ്ങള് രജിസ്റ്റര് ചെയ്യാനുള്ള ഓപ്ഷനില്ല. ഇക്കാരണത്താല് എവിടെ നിന്നും വാക്സിന് എടുക്കാന് സാധിക്കും.
അതിനാല് ആ പ്രദേശത്തെ ജനങ്ങള്ക്ക് വാക്സിനെടുക്കാന് കഴിയുന്നില്ല എന്ന പരാതിയുണ്ടായിരുന്നു. അതത് പ്രദേശത്തെ ജനങ്ങള്ക്ക് കൂടി വാക്സിനേഷന് ഉറപ്പാക്കാനും വയോജനങ്ങള്, ഗുരുതര രോഗമുള്ളവര്, അനുബന്ധ രോഗങ്ങളുള്ളവര് എന്നിവര്ക്കും വാക്സിനേഷന് നല്കാനുമാണ് മാര്ഗനിര്ദേശം പുറത്തിറക്കിയതെന്നും മന്ത്രി വ്യക്തമാക്കി. വാക്സിന് യജ്ഞത്തിന്റെ ഭാഗമായി 60 വയസിന് മുകളില് പ്രായമായ എല്ലാവര്ക്കും 18 വയസിന് മുകളില് പ്രായമുള്ള കിടപ്പ് രോഗികള്ക്കും ആഗസ്റ്റ് 15ന് മുന്പ് ആദ്യ ഡോസ് വാക്സിന് നല്കുമെന്നും മന്ത്രി അറിയിച്ചു.