![“Manju”](https://santhigirinews.org/wp-content/uploads/2020/04/YOUTUBE.jpg")
കാബൂള്‍: കാബൂള്‍ വിമാനത്താവളത്തിന് ഭീകരാക്രമണ ഭീഷണി. ഇതേതുടര്‍ന്ന് എത്രയും പെട്ടെന്ന് കാബൂള്‍ വിമാനത്താവളത്തിന്റെ പരിസരത്ത് നിന്ന് മാറണമെന്ന് പൗന്‍മാര്‍ക്ക് വിവിധ രാജ്യങ്ങള്‍ നിര്‍ദേശം നല്‍കി. യു.കെ, യു.എസ്, ആസ്ട്രേലിയ രാജ്യങ്ങളാണ് പ്രധാനമായും മുന്നറിയിപ്പ് നല്‍കിയിരിക്കുന്നത്.
സുരക്ഷിത സ്ഥാനങ്ങളിലേക്ക് മാറാന്‍ ഇവര്‍ പൗരന്‍മാരോട് നിര്‍ദേശിച്ചു. ഐ.എസ് ചാവേര്‍ ബോംബ് സ്ഫോടനം നടത്താന്‍ സാധ്യതയുണ്ടെന്നാണ് യു.കെയുടെ മുന്നറിയിപ്പ്. പൗരന്‍മാരോട് കാബൂള്‍ വിമാനത്താവളത്തിന്റെ സമീപത്തേക്ക് പോകരുതെന്ന് യു.എസും അറിയിച്ചു.
അതേസമയം അഫ്ഗാനില്‍ നിന്നും പുറത്ത് കടക്കാന്‍ ആയിരക്കണക്കിന് ആളുകളാണ് കാബൂള്‍ വിമാനത്താവളത്തില്‍ കാത്തുനില്‍ക്കുന്നത്. താലിബാന്‍ അഫ്ഗാനില്‍ അധികാരം പിടിച്ചതിന് ശേഷം യു.എസ് മാത്രം ഏകദേശം 90,000 പേരെ സുരക്ഷാ വിമാനങ്ങളില്‍ പുറത്തെത്തിച്ചിട്ടുണ്ട്.
