![“Manju”](https://santhigirinews.org/wp-content/uploads/2020/04/YOUTUBE.jpg")
ദുബൈ: പ്രമുഖര്‍ക്ക് പിന്നാലെ നടന്‍ ദുല്‍ഖര്‍ സല്‍മാനും യു.എ.ഇ ഗോള്‍ഡന്‍ വിസ. അബുദാബി സാംസ്കാരിക–വിനോദ സഞ്ചാര വകുപ്പാണ് ഗോള്‍ഡന്‍ വിസ താരത്തിന് സമ്മനിച്ചത്. പ്രമുഖ വ്യവസായി എം.എ യൂസഫലിയാണ് ദുല്‍ഖറിന്റെ ഗോള്‍ഡന്‍ വിസ നടപടി ക്രമങ്ങള്‍ പൂര്‍ത്തിയാക്കിയത്.
അബുദാബി കള്‍ചര്‍ ആന്‍റ് ടൂറിസം സെക്രട്ടറി സഈദ് അബ്ദുല്‍ അസീസ് അല്‍ ഹുസൈനിയില്‍ നിന്ന് വിസ പതിച്ച പാസ്പോര്‍ട്ട് ദുല്‍ഖര്‍ ഏറ്റുവാങ്ങി. ലുലു ഗ്രൂപ്പ് ചെയര്‍മാനും അബുദാബി ചേംബര്‍ ഓ ഫ് കൊമേഴ്സ് വൈസ് ചെയര്‍മാനുമായ എം.എ.യൂസഫലി, ലുലു ഗ്രൂപ്പ് ഇന്‍റര്‍നാഷനല്‍ മാര്‍ക്കറ്റിങ് ആന്‍ഡ് കമ്യൂണിക്കേഷന്‍ ഡയറക്ടര്‍ വി.നന്ദകുമാര്‍ എന്നിവര്‍ പങ്കെടുത്തു.
വിവിധ മേഖലകളില്‍ കഴിവ് തെളിയിച്ചവര്‍ക്കാണ് യു.എ.ഇ പത്ത് വര്‍ഷത്തെ ഗോള്‍ഡന്‍ വിസ വിതരണം ചെയ്യുന്നത് . ദുല്‍ഖറിന് പുറമെ മോഹന്‍ലാല്‍, മമ്മൂട്ടി, പൃഥ്വിരാജ്, ടൊവിനോ തോമസ് എന്നിവര്‍ ഇതിനോടകം യു.എ.ഇയുടെ ഗോള്‍ഡന്‍ വിസ സ്വന്തമാക്കി .
