ജിഎസ്ടി വരുമാനത്തില്‍ വീണ്ടും വര്‍ധനവ്

ഡല്‍ഹി: ജിഎസ്ടി വരുമാന ശേഖരത്തില്‍ വീണ്ടും വന്‍ കുതിച്ചുചാട്ടം ഉണ്ടായി. 2021 സെപ്റ്റംബര്‍ മാസത്തെ മൊത്തം ജിഎസ്ടി റവന്യൂ കളക്ഷന്‍ ഒരു ലക്ഷത്തി പതിനേഴായിരം കോടി രൂപയാണ്. സര്‍ക്കാര്‍ ഡാറ്റ അനുസരിച്ച്‌, സെപ്റ്റംബറിലെ മൊത്തം ശേഖരത്തില്‍ CGST 20,578 കോടി, SGST 26,767 കോടി, IGST 60,911 കോടി, സെസ് 8,754 കോടി എന്നിവ ഉള്‍പ്പെടുന്നു.
കഴിഞ്ഞ വര്‍ഷം ഇതേ മാസത്തെ ജിഎസ്ടി വരുമാനത്തേക്കാള്‍ 23 ശതമാനം കൂടുതലാണ് ഈ ശേഖരം. അതേസമയം, തുടര്‍ച്ചയായ മൂന്നാം മാസമാണ് കളക്ഷന്‍ ഒരു ലക്ഷം കോടി രൂപ കടക്കുന്നത്.
നേരത്തെ, 2021 ഓഗസ്റ്റില്‍ മൊത്തം ജിഎസ്ടി വരുമാനം 1,12,020 കോടി രൂപയായിരുന്നു. ഇതില്‍ CGST 20,522 കോടി, SGST 26,605 കോടി, IGST 56,247 കോടി, സെസ് 8,646 കോടി എന്നിവ ഉള്‍പ്പെടുന്നു.