സഹകരണ ബാങ്കുകളില് നിക്ഷേപത്തിന് നിയന്ത്രണം
തിരുവനന്തപുരം: സംസ്ഥാനത്തെ സഹകരണ ബാങ്കുകളുടെ പ്രവര്ത്തനത്തെ ബാധിക്കുന്ന നിര്ദേശവുമായി റിസര്വ് ബാങ്ക്. വോട്ടവകാശമില്ലാത്ത അംഗങ്ങളില്നിന്ന് നിക്ഷേപം സ്വീകരിക്കുന്നതാണ് വിലക്കിയത്. ബാങ്കിങ് നിയന്ത്രണ നിയമത്തിലെ ഭേദഗതി അനുസരിച്ചാണ് റിസര്വ് ബാങ്കിന്റെ പുതിയ ഉത്തരവ്.
‘ബാങ്ക്’ എന്ന പേര് ഉപയോഗിക്കരുത് എന്ന് ആവര്ത്തിക്കുന്നതിനൊപ്പം നിക്ഷേപം സ്വീകരിക്കുന്നതിനും നിയന്ത്രണം ഏര്പ്പെടുത്തി.അതേസമയം റിസര്വ് ബാങ്കിന്റെ ലൈസന്സില്ലാത്ത സഹകരണ സംഘങ്ങള് ബാങ്ക്, ബാങ്കിങ് എന്നിങ്ങനെ പേരിനൊപ്പം ചേര്ക്കാന് പാടില്ലെന്നും ഉത്തരവില് പറയുന്നു.
സംസ്ഥാനത്തെ 1625 പ്രാഥമിക സഹകരണ ബാങ്കുകളുടെയും 15,000-ത്തോളം വരുന്ന സഹകരണ സംഘങ്ങളുടെയും പ്രവര്ത്തനത്തെ ബാധിക്കുന്നതാണിത്.2020 സെപ്റ്റംബര് 29-ന് ഈ നിയമം നിലവില്വന്നെങ്കിലും കേരളത്തില് നടപ്പാക്കിയിട്ടില്ലാത്ത സാഹചര്യത്തിലാണ് പുതിയ ഉത്തരവ്.