![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോൾ. ആർ
ന്യൂയോര്‍ക്ക്: ലോകത്ത് കൊവിഡ് ബാധിതരുടെ എണ്ണം അഞ്ച് കോടി പന്ത്രണ്ട് ലക്ഷം കടന്നു. ഇതുവരെ 5,12,30,299 പേര്‍ക്കാണ് വൈറസ് ബാധ സ്ഥിരീകരിച്ചത്. 12,68,881 പേര്‍ മരിച്ചു. രോഗമുക്തി നേടിയവരുടെ എണ്ണം മൂന്ന് കോടി അറുപത് ലക്ഷം പിന്നിട്ടു.
അമേരിക്കയിലാണ് ലോകത്ത് ഏറ്റവും കൂടുതല്‍ രോഗികളുള്ളത്. യുഎസില്‍ ഇതുവരെ 1,04,19,012 പേര്‍ക്കാണ് കൊവിഡ് സ്ഥിരീകരിച്ചത്. 2,44,424 പേര്‍ മരണമടഞ്ഞു.അറുപത്തിയഞ്ച് ലക്ഷത്തിലധികം പേര്‍ രോഗമുക്തി നേടി. ഇടക്കാലത്ത് കേസുകളില്‍ കുറവ് രേഖപ്പെടുത്തിയിരുന്ന അമേരിക്കയില്‍ വീണ്ടും രോഗവ്യാപനം രൂക്ഷമാകുകയാണ്. കഴിഞ്ഞ കുറച്ച്‌ ദിവസങ്ങളായി രാജ്യത്ത് പ്രതിദിന കൊവിഡ് കണക്ക് ഒരുലക്ഷം കടന്നിരുന്നു. പത്ത് ദിവസത്തിനിടെ പത്തുലക്ഷത്തോളം കേസുകളാണ് രാജ്യത്ത് റിപ്പോര്‍ട്ട് ചെയ്തത്.
ഇന്ത്യയില്‍ കൊവിഡ് ബാധിതരുടെ എണ്ണം 85 ലക്ഷം പിന്നിട്ടു.കഴിഞ്ഞ ദിവസം 45,903 പേര്‍ക്ക് രോഗം സ്ഥിരീകരിച്ചു. നിലവില്‍ 5.09 ലക്ഷം പേരാണ് രാജ്യത്ത് ചികിത്സയിലുള്ളത്. രോഗമുക്തി നിരക്ക് 92.56 ശതമാനമായി. രോഗസ്ഥിരീകരണ നിരക്ക് 7.19 ശതമാനമായി കുറഞ്ഞു. മരണസംഖ്യ 1.27ലക്ഷമായി. രോഗികളുടെ എണ്ണത്തില്‍ മൂന്നാം സ്ഥാനത്തുള്ള ബ്രസീലില്‍ ഇതുവരെ അമ്പത്തിയാറ് ലക്ഷത്തിലധികം പേര്‍ക്കാണ് കൊവിഡ് സ്ഥിരീകരിച്ചത്. 1,62,638 പേര്‍ മരിച്ചു. 50,64,344 പേര്‍ രോഗമുക്തി നേടി.
