ലോകത്ത് കോവിഡ് ബാധിതരുടെ എണ്ണം 2.16 കോടിയിലേക്ക്
സിന്ധുമോള് ആര്
ന്യൂഡല്ഹി : ലോകത്താകെ കോവിഡ് രോഗികളുടെ എണ്ണം 2.16 കോടിയിലേക്ക് അടുക്കുന്നു. കഴിഞ്ഞ 24 മണിക്കൂറിനിടെ രണ്ടര ലക്ഷത്തോളം കോവിഡ് കേസുകളാണ് ലോകത്താകെ റിപ്പോര്ട്ട് ചെയ്തത്. ഇതോടെ കോവിഡ് ബാധിച്ചവരുടെ എണ്ണം 2,15,92,555 ആയി.മരണസംഖ്യയും ദിനംപ്രതി വര്ധിക്കുകയാണ്. ലോകത്താകെ മരിച്ചവരുടെ എണ്ണം 7,67,956 ആയി. ശനിയാഴ്ച മാത്രം 5,140 മരണങ്ങള് റിപ്പോര്ട്ട് ചെയ്തു.
അമേരിക്കയിലാണ് കോവിഡ് ഏറ്റവും രൂക്ഷമായി തുടരുന്നത്. 55 ലക്ഷം പേര്ക്കാണ് യുഎസില് ഇതുവരെ കോവിഡ് സ്ഥിരീകരിച്ചത്. ഇന്നുവരെ 5,529,750 പേര്ക്ക് കോവിഡ് സ്ഥിരീകരിച്ചു. പുതുതായി 53,484 പേര്ക്കാണ് രോഗം കണ്ടെത്തിയത്. 1,071 പുതിയ മരണങ്ങളും റിപ്പോര്ട്ട് ചെയ്തു. ബ്രസീല് ആണ് കോവിഡ് മോശമായി ബാധിച്ച രണ്ടാമത്തെ രാജ്യം. ബ്രസീലില് 38,937 പുതിയ കേസുകളാണുള്ളത്. 726 മരണങ്ങളും പുതുതായി റിപ്പോര്ട്ട് ചെയ്തു. ബ്രസീലില് ആകെ കോവിഡ് രോഗികളുടെ എണ്ണം 3,317,832 ആയി.
ഇന്ത്യയിലും കൊവിഡ് വ്യാപനം രൂക്ഷമാവുകയാണ്. രാജ്യത്ത് രോഗബാധിതരുടെ എണ്ണം ഇരുപത്തിയാറ് ലക്ഷത്തോട് അടുക്കുകയാണ്. വേള്ഡോമീറ്ററിന്റെ കണക്ക് പ്രകാരം ഇന്ത്യയില് മരണസംഖ്യ അരലക്ഷം കടന്നു.പ്രതിദിന രോഗ വര്ദ്ധന ഏറ്റവും കൂടുതല് ഇന്ത്യയിലാണ്. അതേസമയം,ന്യൂസിലാന്ഡില് കൊവിഡ് കേസുകള് വീണ്ടും വര്ദ്ധിക്കുകയാണ്. പ്രഭവ കേന്ദ്രമായ ഓക്ക്ലാന്ഡില് ലോക്ക്ഡൗണ് നിയന്ത്രണങ്ങള് 12 ദിവസം കൂടി നീണ്ടേക്കുമെന്ന് സര്ക്കാര് വൃത്തങ്ങള് നേരത്തെ അറിയിച്ചിരുന്നു. ഫ്രാന്സ് തലസ്ഥാനമായ പാരിസില് കൊവിഡ് വ്യാപനം വീണ്ടും ആരംഭിച്ചു.