നിരഞ്ജന് അഭിനന്ദന പ്രവാഹം
കല്ലമ്പലം: കൂലിപ്പണിക്കാരായ മാതാപിതാക്കളുടെ മകനായി ജനിച്ച് ഇല്ലായ്മയുടെ നടുവില്നിന്ന് വെള്ളിത്തിരയില് അഭിനയത്തികവ് തെളിയിച്ച് സംസ്ഥാന പുരസ്കാരം നേടിയ നിരഞ്ജന് നാടിന്റെ അഭിനന്ദനപ്രവാഹം. 2020 ലെ സംസ്ഥാന ചലച്ചിത്ര അവാര്ഡില് ശ്യാമപ്രസാദ് സംവിധാനം ചെയ്ത ‘കാസിമിന്റെ കടല്’ എന്ന ചിത്രത്തില് ബിലാല് എന്ന ബാലന്റെ വേഷം അഭിനയിച്ചാണ് മികച്ച ബാലനടനുള്ള പുരസ്കാരം നാവായിക്കുളം പഞ്ചായത്തിലെ വെട്ടിയറ എന്ന കൊച്ചുഗ്രാമത്തിലേക്ക് എസ്. നിരഞ്ജന് എത്തിച്ചത്. വെട്ടിയറ ആര്.എസ് ലാന്ഡില് കെട്ടിടനിര്മാണ തൊഴിലാളി എസ്. സുമേഷിന്റെയും കശുവണ്ടി ഫാക്ടറി തൊഴിലാളി സുജയുടെയും മകനായ നിരഞ്ജന് നാവായിക്കുളം ഗവ. ഹയര് സെക്കന്ഡറി സ്കൂളിലെ പ്ലസ് ടു ഹുമാനിറ്റീസ് വിഭാഗം വിദ്യാര്ഥിയാണ്.