ശബരിമലയില് ആക്ഷന് പ്ലാന് രൂപീകരിച്ച് ആരോഗ്യ വകുപ്പ്
തിരുവനന്തപുരം: ശബരിമല തീര്ഥാടനത്തോടനുബന്ധിച്ച് മികച്ച ആരോഗ്യ സേവനങ്ങള് ലഭ്യമാക്കുന്നതിന് ആരോഗ്യ വകുപ്പ് ആക്ഷന് പ്ലാന് രൂപീകരിച്ചതായി ആരോഗ്യമന്ത്രി വീണാ ജോര്ജ്. കോവിഡ് വ്യാപനം പൂര്ണമായി മാറാത്ത സാഹചര്യത്തില് അതും കൂടി മുന്നില് കണ്ടാണ് ആക്ഷന്പ്ലാന് രൂപീകരിച്ചത്.
തീര്ഥാടകര്ക്കും ജീവനക്കാര്ക്കും സുരക്ഷ ഉറപ്പ് വരുത്തുന്നതോടൊപ്പം തന്നെ കോവിഡും മറ്റ് പകര്ച്ചവ്യാധികളുടെ നിയന്ത്രണത്തിനും പ്രതിരോധത്തിനും പ്രാധാന്യം നല്കും. കേന്ദ്ര സര്ക്കാരിന്റേയും സ്റ്റേറ്റ് സ്പെസിഫിക് കോവിഡ് പ്രോട്ടോകോള് പ്രകാരവും സുരക്ഷിതമായ ശബരിമല മകരവിളക്ക് മഹോത്സവം നടത്തുന്നതിനുള്ള ആക്ഷന് പ്ലാനാണ് തയാറാക്കിയിരിക്കുന്നതെന്നും മന്ത്രി വ്യക്തമാക്കി.