ന്യൂഡല്ഹി: പ്രധാനമന്ത്രി നരേന്ദ്രമോദിയുടെ പ്രതിമാസ റേഡിയോ പരിപാടിയായ മന് കി ബാത്ത് ഇന്ന്. കോവിഡിന്റെ പുതിയ വകഭേദം ഒമിക്രോണ് വെല്ലുവിളി ഉയര്ത്തുന്ന സാഹചര്യത്തില് ഇക്കാര്യത്തെക്കുറിച്ച് പ്രധാനമന്ത്രി പ്രതിപാദിച്ചേക്കും. യൂറോപ്പില് ഉള്പ്പെടെ ഒമിക്രോണ് സ്ഥിരീകരിച്ച പശ്ചാത്തലത്തില് ഇന്ത്യ ജാഗ്രത കടുപ്പിക്കണമെന്ന് യോഗത്തില് മോദി ആവശ്യപ്പെട്ടു. രണ്ടാം ഡോസിന്റെ വിതരണം വേഗത്തിലാക്കണമെന്നും പ്രധാനമന്ത്രി പറഞ്ഞു.
കൂടുതല് രാജ്യങ്ങളില് ഒമിക്രോണ് സാന്നിധ്യം സ്ഥിരീകരിച്ചതോടെ അന്താരാഷ്ട്ര യാത്രാ നിയന്ത്രണങ്ങള് നീക്കാനുള്ള തീരുമാനം പുനപരിശോധിക്കാനുള്ള നീക്കത്തിലാണ് കേന്ദ്ര സര്ക്കാര്. വിമാനത്താവളങ്ങളില് ഉള്പ്പടെ പരിശോധന കര്ശനമാക്കാന് ആരോഗ്യ മന്ത്രാലയം സംസ്ഥാനങ്ങള്ക്ക് നിര്ദേശം നല്കിയിട്ടുണ്ട്.
ജാഗ്രത നിര്ദേശം ലഭിച്ചതിന് പിന്നാലെ വിവിധ സംസ്ഥാനങ്ങളും വിദേശ യാത്രക്കാര്ക്ക് നിയന്ത്രണങ്ങള് ഏര്പ്പെടുത്തി. ഗുജറാത്ത്, മഹാരാഷ്ട്ര, ഡല്ഹി തുടങ്ങിയ ഇടങ്ങളില് എല്ലാം നിയന്ത്രണങ്ങള് കടുപ്പിച്ചു. ഇതിന് പുറമെ മുംബൈ വിമാനത്താവളത്തില് ദക്ഷിണാഫ്രിക്കയില് നിന്നും എത്തുന്നവര്ക്ക് ക്വാറന്റീനും ഏര്പ്പെടുത്തി. ഉത്തരാഖണ്ഡ്, കര്ണാടക തുടങ്ങിയ സംസ്ഥാങ്ങളിലെല്ലാം സ്ഥിതി വിലയിരുത്താന് മുഖ്യമന്ത്രിമാര് പ്രത്യേകം യോഗം വിളിച്ചു ചേര്ത്തിരുന്നു.