ന്യൂഡല്ഹി: രാജ്യത്ത് വര്ക്ക് ഫ്രം ഹോം ചട്ടത്തിനായി കേന്ദ്രം നടപടികള് ആരംഭിച്ചു. വര്ക്ക് ഫ്രം ഹോം ചട്ടങ്ങളില് ജീവനക്കാരുടെ തൊഴില്സമയം കൃത്യമായി നിശ്ചയിക്കും. കൊവിഡാനന്തര സാഹചര്യത്തില് വര്ക്ക് ഫ്രം ഹോം തൊഴില് രീതിയായി മാറുമെന്ന വിലയിരുത്തലിന്റെ അടിസ്ഥാനത്തിലാണ് നീക്കം. അതിനാല് വര്ക്ക് ഫ്രം ഹോം നിയമപരമായി തയ്യാറാക്കാനാണ് കേന്ദ്രസര്ക്കാര് നീക്കം.
നിലവില് ഇന്ത്യയില് വര്ക്ക് ഫ്രം ഹോമിന് നിയമമില്ല. സ്ഥാപന ഉടമയും ജീവനക്കാരും തമ്മിലെ ധാരണയിലാണ് വര്ക്ക് ഫ്രം ഹോം നടക്കുന്നത്. ഈ സാഹചര്യത്തിലാണ് കേന്ദ്രം പുതിയ ചട്ടങ്ങള് തയാറാക്കുന്നത്.