തൃശൂര്: കൂനൂരില് ഹെലികോപ്റ്റര് അപകടത്തില് മരിച്ച വ്യോമസേന ജൂണിയര് വാറന്റ് ഓഫീസര് എ.പ്രദീപിന്റെ സംസ്കാരം ഇന്ന്. ഡല്ഹിയില് നിന്ന് പ്രദീപിന്റെ ഭൗതീക ശരീരം ഇന്ന് രാവിലെ 11ന് സുലൂര് വ്യോമ താവളത്തിലെത്തിക്കും. തുടര്ന്ന് ഉച്ചയ്ക്ക് ഒന്നിന് ജന്മനാടായ തൃശൂര് പൊന്നൂക്കരയിലേക്ക് കൊണ്ടുവരും. ശേഷം പ്രദീപ് പഠിച്ച പുത്തൂര് ജിവിഎച്ച്എസ്എസില് പൊതുദര്ശനത്തിനു വക്കും.
ഇതിനു ശേഷമാകും മൃതദേഹം വീട്ടിലേക്കുകൊണ്ടുപോകുക. പൊതുദര്ശനത്തിനുശേഷം 5.30ഓടെ മൃതദേഹം വീട്ടിലെത്തിച്ചു വീട്ടുവളപ്പില് സംസ്കരിക്കും. ഔദ്യോഗിക ബഹുമതികളോടെയാണ് സംസ്കാരം. ഡല്ഹി സൈനിക ആശുപത്രിയില് ഡിഎന്എ പരിശോധനാഫലം പൂര്ത്തിയാക്കിയാണ് മൃതദേഹം കൊണ്ടുവരുന്നത്.
കോയമ്പത്തൂരില് നിന്നും പ്രദീപിന്റെ ഭാര്യ ലക്ഷ്മിയും മക്കളും കഴിഞ്ഞ ദിവസം രാത്രി തന്നെ പൊന്നുകരയിലെ വീട്ടില് എത്തിയിരുന്നു. കേന്ദ്ര സഹമന്ത്രി മുരളീധരന്, സംസ്ഥാന റവന്യു വകുപ്പ് മന്ത്രി കെ രാജന് എന്നിവര് കേന്ദ്ര–സംസ്ഥാന സര്ക്കാരുകളെ പ്രതിനിധീകരിച്ച് പങ്കെടുക്കും.