![“Manju”](https://santhigirinews.org/wp-content/uploads/2020/04/YOUTUBE.jpg")
കുവൈത്ത് സിറ്റി: പ്രമുഖ ഗാനരചയിതാവും സംഗീതജ്ഞനുമായ ശൈഖ് ദുഐജ് അല്‍ ഖലീഫ അസ്സബാഹ് വിട വാങ്ങി. അദ്ദേഹത്തിന്റെ നിര്യാണത്തില്‍ ഇന്ത്യന്‍ അംബാസഡര്‍ സിബി ജോര്‍ജ് അനുശോചിച്ചു. ഇന്ത്യയുടെ അടുത്ത സുഹൃത്തും കുവൈത്തിലെ ഇന്ത്യന്‍ സമൂഹത്തിന്റെ അഭ്യുദയ കാംക്ഷിയുമായിരുന്നു ശൈഖ് ദുഐജ് അല്‍ ഖലീഫ അസ്സബാഹ്.
1971 ഫെബ്രുവരി പത്തിന് മുന്‍ കുവൈത്ത് അമീര്‍ ശൈഖ് ജാബിര്‍ അല്‍ അഹ്മദ് അല്‍ ജാബിര്‍ അസ്സബാഹിന്റെ പേരമകനായി ജനിച്ച ശൈഖ് ദുഐജ് കലയുടെയും സാഹിത്യത്തിന്റെയും സാംസ്കാരിക പ്രവര്‍ത്തനങ്ങളുടെയും പാതയിലാണ് സഞ്ചരിച്ചത്. കുവൈത്ത് സര്‍വകലാശാലയില്‍നിന്ന് പൊളിറ്റിക്കല്‍ സയന്‍സില്‍ ബിരുദമെടുത്തിട്ടുള്ള അദ്ദേഹത്തിന് രാഷ്ട്രീയത്തേക്കാള്‍ പ്രിയം കലയോടായിരുന്നു.
