ഫുട്ബോള്‍ പരിശീലനത്തിനിടെ വിദ്യാര്‍ഥി കുഴഞ്ഞുവീണ് മരിച്ചു

കോട്ടയം: ഫുട്ബോള്‍ പരിശീലനത്തിനിടെ വിദ്യാര്‍ഥി കുഴഞ്ഞുവീണു മരിച്ചു. ചാന്നാനിക്കാട് കണ്ണംകുളം കവലയ്ക്കു സമീപം ഇടയാടിപ്പറമ്പില്‍ പ്രസാദിന്റെ മകന്‍ അരവിന്ദ് (19) ആണ് മരിച്ചത്. നാട്ടകം കോളജിലെ രണ്ടാംവര്‍ഷ ബിഎസ്‌സി ഇന്‍ഡസ്ട്രിയല്‍ കെമിസ്ട്രി വിദ്യാര്‍ഥിയാണ്. എസ്‌എഫ്‌ഐ യൂണിറ്റ് കമ്മിറ്റി അംഗമാണ്. അമ്മ:ശ്രീരഞ്ജിനി. സഹോദരി: പാര്‍വതി.

ബുധനാഴ്ച വൈകിട്ട് ആറ് മണിയോടെ നാട്ടകം ഗവ.കോളജ് മൈതാനത്തായിരുന്നു സംഭവം. കോളജ് മൈതാനത്ത് പ്രാക്ടീസ് നടത്തുന്നതിനുള്ള വാം അപ്പ് നടത്തുന്നതിനിടെ ദേഹാസ്വാസ്ഥ്യം മൂലം അരവിന്ദ് കുഴഞ്ഞ് വീഴുകയായിരുന്നു. അധ്യാപകരും, സുഹൃത്തുക്കളും ചേര്‍ന്ന് ജില്ലാ ജനറല്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.