മുന്‍ ഒളിമ്പിക് ചാമ്പ്യന്‍ വിക്ടര്‍ സനേവ് അന്തരിച്ചു

ട്രിപ്പിള്‍ ജമ്പില്‍ മുന്‍ ഒളിമ്പിക് ചാമ്പ്യന്‍ വിക്ടര്‍ സനേവ് തിങ്കളാഴ്ച ഓസ്‌ട്രേലിയയിലെ സിഡ്‌നിയില്‍ അന്തരിച്ചു. “മൂന്ന് തവണ ഒളിമ്പിക് ട്രിപ്പിള്‍ ജമ്പ് ചാമ്പ്യനും മുന്‍ ലോക റെക്കോര്‍ഡ് ഉടമയുമായ വിക്ടര്‍ സനേവ് 76-ാം വയസ്സില്‍ അന്തരിച്ചുവെന്ന് കേള്‍ക്കുന്നതില്‍ ലോക അത്‌ലറ്റിക്‌സ് അഗാധമായ ദുഃഖം രേഖപ്പെടുത്തുന്നു,” അന്താരാഷ്ട്ര അത്‌ലറ്റിക്‌സ് ഗവേണിംഗ് ബോഡി പ്രസ്താവനയില്‍ പറഞ്ഞു.
1945 ഒക്‌ടോബര്‍ 3-ന് ജോര്‍ജിയയില്‍ ജനിച്ച സനേവ്, 1968-ല്‍ മെക്‌സിക്കോ സിറ്റിയിലും, 1972-ല്‍ മ്യൂണിക്കിലും, 1976-ല്‍ മോണ്‍ട്രിയലിലും സോവിയറ്റ് യൂണിയന് വേണ്ടി തുടര്‍ച്ചയായി മൂന്ന് ഒളിമ്പിക്‌സ് സ്വര്‍ണം നേടി. 1980 മോസ്കോയില്‍ നടന്ന ഒളിമ്പിക്സില്‍ അദ്ദേഹം വെള്ളി മെഡല്‍ നേടിയിരുന്നു. 1969ലും 1974ലും ട്രിപ്പിള്‍ ജമ്പില്‍ യൂറോപ്യന്‍ ചാമ്പ്യന്‍ഷിപ്പുകളും നേടി.