![“Manju”](https://santhigirinews.org/wp-content/uploads/2020/04/YOUTUBE.jpg")
മധ്യപ്രദേശ് ഉജ്ജയിനിലെ ബാബ മഹാകാലേശ്വര്‍ ക്ഷേത്രത്തില്‍ പ്രാര്‍ത്ഥന നടത്തി കേരള ഗവര്‍ണര്‍ ആരിഫ് മുഹമ്മദ് ഖാന്‍. ഇന്നലെ രാവിലേയാണ് അദ്ദേഹം ക്ഷേത്ര ദര്‍ശനം നടത്തിയത്. ആരിഫ് മുഹമ്മദ് ഖാന്‍ ക്ഷേത്ര ദര്‍ശനം നടത്തി പ്രാര്‍ത്ഥിക്കുന്നതിന്റെ വീഡിയോ സാമൂഹിക മാധ്യമങ്ങളില്‍ വൈറലാണ്.
കോവിഡ് മാര്‍ഗനിര്‍ദേശ പ്രകാരം ബാരിക്കേഡിന് പിന്നില്‍നിന്നാണ് ആരിഫ് മുഹമ്മദ് ഖാന്‍ പ്രാര്‍ഥിച്ചത്. 40 മിനിറ്റോളം ക്ഷേത്രത്തില്‍ ചെലവഴിച്ചു. രാജ്യക്ഷേമത്തിനും വികസനത്തിനും പുരോഗതിക്കും വേണ്ടി പ്രാര്‍ഥിച്ചതായി അദ്ദേഹം പറഞ്ഞു. രാജ്യം അഭിമുഖീകരിക്കുന്ന വലിയ പ്രതിസന്ധി ഉടന്‍ അവസാനിക്കട്ടെയെന്ന് ആഗ്രഹിക്കുന്നു എന്നും അദ്ദേഹം പറഞ്ഞു. വെള്ളിയാഴ്ച രാത്രിയാണ് ഗവര്‍ണര്‍ മധ്യപ്രദേശിലെത്തിയത്.
