തിരുവനന്തപുരം: മൂന്ന് തവണ കോവിഡ് പരിശോധന നടത്തിയെന്നും മൂന്ന് വട്ടവും നെഗറ്റിവാണെന്നും മന്ത്രി വീണ ജോര്ജ്.
കഴിഞ്ഞ കുറച്ചു ദിവസങ്ങളായി പനിയുണ്ടായിരുന്നു. രണ്ടുതവണ ആര്.ടി.പി.സി.സി.ആര് പരിശോധന നടത്തിയപ്പോഴും നെഗറ്റിവായിരുന്നു. നിജസ്ഥിതി തിരക്കാതെ പ്രചരിക്കുന്ന വാര്ത്ത തെറ്റാണ്. തിങ്കളാഴ്ചയും ടെസ്റ്റ് ചെയ്തു. നെഗറ്റിവാണ്. ‘ഡെങ്കി‘യും നെഗറ്റിവ്. വൈറല് ഫീവര് ആകാമെന്നും വിശ്രമം അനിവാര്യമാണെന്നും ഡോക്ടര്മാര് നിര്ദേശിച്ചു. ഈ ദിവസങ്ങളിലെ പൊതുപരിപാടികള് റദ്ദാക്കിയെന്നും അവര് കൂട്ടിച്ചേര്ത്തു.
ഫേസ്ബുക്ക് കുറിപ്പ്: കഴിഞ്ഞ കുറച്ചു ദിവസങ്ങളായി പനി ഉണ്ടായിരുന്നു. രണ്ടു തവണ RTPCR പരിശോധന നടത്തിയപ്പോഴും കോവിഡ് നെഗറ്റീവ് ആയിരുന്നു. നിജസ്ഥിതി തിരക്കാതെ മാധ്യമങ്ങളിലുടെ പ്രചരിക്കുന്ന വാര്ത്ത തെറ്റാണ്. തെറ്റായ വാര്ത്ത മറ്റുള്ളവര്ക്കും ബുദ്ധിമുട്ടാകുമെന്ന് കണ്ടതുകൊണ്ടാണ് ഇത് ഇവിടെ കുറിയ്ക്കുന്നത് . ഇന്നും ടെസ്റ്റ് ചെയ്തു. നെഗറ്റീവ് ആണ്. ‘ഡെങ്കി‘ യും നെഗറ്റീവ്. വൈറല് ഫീവര് ആകാമെന്നും വിശ്രമം അനിവാര്യമാണെന്നും ഡോക്ടര്മാര് നിര്ദ്ദേശിച്ചു. ഈ ദിവസങ്ങളിലെ പൊതുപരിപാടികള് റദ്ദാക്കിയിരുന്നു.
അനേകം പേര് നേരിട്ടും അല്ലാതെയും വിളിക്കുകയും രോഗവിവരം തിരക്കുകയും ചെയ്യുന്നുണ്ട് . എല്ലാവരുടെയും സ്നേഹത്തിനും കരുതലിനും നന്ദി.