ചേലേമ്പ്ര: കുളത്തില് മുങ്ങിത്താഴ്ന്ന കുട്ടിയെ രക്ഷിച്ച് നാടിന്റെ അഭിമാനമായി മുഹമ്മദ് റയാനും മുഹമ്മദ് ദാനിഷും. വഴുതി ചതുപ്പില് കാല് കുടുങ്ങുകയും തുടര്ന്ന് ആഴങ്ങളിലേക്ക് മുങ്ങുകയുമായിരുന്നു. ഈ സമയം തൊട്ടപ്പുറത്ത് കുളത്തില്തന്നെ കുളിച്ചുകൊണ്ടിരുന്ന 13, 15 വയസ്സുകാരായ മുഹമ്മദ് റയാനും മുഹമ്മദ് ദാനിഷും ചേര്ന്ന് പായലുകള്ക്കിടയില് കുടുങ്ങി മുങ്ങിത്താണുകൊണ്ടിരുന്ന കുട്ടിയെ സാഹസികമായി രക്ഷപ്പെടുത്തി കരയില് എത്തിച്ചു. കരക്കെത്തിച്ച കുട്ടിയുടെ ദേഹത്തുണ്ടായിരുന്ന പായല് എടുത്തുമാറ്റി കുട്ടിയുടെ വീട്ടില് കൊണ്ടുപോയി അമ്മയുടെ കൈയില് ഏല്പിച്ചാണ് റയാനും ദാനിഷും മടങ്ങിയത്.
മുഹമ്മദ് ദാനിഷ് കോഴിക്കോട് രാമകൃഷ്ണ മിഷന് ഹയര് സെക്കന്ഡറി സ്കൂളിലെ പത്താം ക്ലാസ് വിദ്യാര്ഥിയും മുഹമ്മദ് റയാന് കാലിക്കറ്റ് യൂനിവേഴ്സിറ്റി ഗവ. മോഡല് ഹയര്സെക്കന്ഡറി സ്കൂളിലെ എട്ടാം ക്ലാസ് വിദ്യാര്ഥിയുമാണ്. കുട്ടികളെ വാര്ഡ് അംഗം ഉഷ വീട്ടിലെത്തി അഭിനന്ദിക്കുകയും ഉപഹാരം കൈമാറുകയും ചെയ്തു. അഷ്റഫ്, ഗോപി, ഷെഫീഖ് കാക്കഞ്ചേരി, ദാസന്, അനീഫ എന്നിവര് പങ്കെടുത്തു.