സിന്ധുമോൾ. ആർ
തിരുവനന്തപുരം: സ്പീക്കര് പി. ശ്രീരാമകൃഷ്ണന്റെ അസിസ്റ്റന്റ് പ്രൈവറ്റ് സെക്രട്ടറി കെ. അയ്യപ്പനെ ചോദ്യം ചെയ്യാനൊരുങ്ങി കസ്റ്റംസ്. ഡോളര് കടത്തിയ കേസുമായി ബന്ധപ്പെട്ടാണ് നടപടി. ചോദ്യം ചെയ്യലിനായി ഇന്ന് രാവിലെ 10ന് ഹാജരാകണമെന്ന് അദ്ദേഹത്തോട് കസ്റ്റംസ് ആവശ്യപ്പെട്ടു. സ്വര്ണക്കടത്ത് കേസുമായി ബന്ധപ്പെട്ട സ്റ്റേറ്റ് അസിസ്റ്റന്റ് പ്രോട്ടോകോള് ഓഫീസര് എം.എസ്. ഹരികൃഷ്ണന്റെ മൊഴിയും ഇന്ന് കസ്റ്റംസ് സംഘം രേഖപ്പെടുത്തും. നയതന്ത്ര ചാനല് വഴി ബാഗേജുകള് വഴി സ്വര്ണക്കടത്ത് നടത്തിയ സംഭവത്തില് വ്യക്തത വരുത്തുന്നതിനാണ് മൊഴിയെടുക്കുന്നത്