കണ്ണൂര്: തോട്ടടയില് ബോംബ് സ്ഫോടനത്തില് മരിച്ച ജിഷ്ണുവിന്റെ മൃതദേഹം പരിയാരം മെഡിക്കല് കോളജിലെ പോസ്റ്റ്മോര്ട്ടത്തിനുശേഷം വൈകീട്ട് 3.45ന് നാട്ടിലെത്തിച്ച് ഏച്ചൂര് ഫുട്ബാള് ഗ്രൗണ്ടില് പൊതുദര്ശനത്തിനു വെച്ചു.
മൃതദേഹത്തില് രാമചന്ദ്രന് കടന്നപ്പള്ളി എം.എല്.എ, സി.പി.എം സംസ്ഥാന കമ്മിറ്റി അംഗം പി.ജയരാജന്, ജില്ല സെക്രട്ടേറിയറ്റ് അംഗം എന്. ചന്ദ്രന്, ഏരിയ സെക്രട്ടറി കെ. ബാബുരാജ്, ജില്ല പഞ്ചായത്ത് പ്രസിഡന്റ് പി.പി. ദിവ്യ, വൈസ് പ്രസിഡന്റ് ബിനോയ് കുര്യന്, ജില്ല പഞ്ചായത്ത് സ്ഥിരംസമിതി അധ്യക്ഷന് വി.കെ. സുരേഷ് ബാബു, തുടങ്ങിയവര് ആദരാഞ്ജലികള് അര്പ്പിച്ചു. തുടര്ന്ന് വസതിയിലെത്തിച്ച മൃതദേഹം 4.45ഓടെ പയ്യാമ്ബലത്തെത്തിച്ച് സംസ്കരിച്ചു.