ഗായത്രിയും പ്രവീണും വിവാഹിതര്‍: പ്രണയവും ചതിയും മറനീക്കുമ്പോള്‍..

തി​രു​വ​ന​ന്ത​പു​രം: ത​മ്പാ​നൂ​രി​ലെ ഹോ​ട്ട​ല്‍ മു​റി​യി​ല്‍ യു​വ​തി​യെ ദുരൂഹ സാഹചര്യത്തില്‍ മ​രി​ച്ച​ നി​ല​യി​ല്‍ ക​ണ്ടെ​ത്തിയ സംഭവത്തില്‍ ട്വിസ്റ്റ്. ശനിയാഴ്ച ഉച്ചയ്ക്കാണ് ഇരുവരും തമ്പാനൂരിലെ ഹോട്ടലില്‍ മുറിയെടുത്തത്. വൈ​കി​ട്ടോ​ടെ പ്ര​വീ​ണ്‍ മു​റി​യി​ല്‍ നി​ന്ന് പു​റ​ത്ത് പോ​യി​രു​ന്നു. മു​റി പു​റ​ത്തു​ നി​ന്ന് പൂ​ട്ടി​യ നി​ല​യി​ല്‍ ആ​യി​രു​ന്നു. പ്ര​വീ​ണ്‍ ആ​ണ് മ​ര​ണ വി​വ​രം ഹോ​ട്ട​ലി​ല്‍ വി​ളി​ച്ചു​ പ​റ​ഞ്ഞ​ത്. തുടര്‍ന്ന് ഹോട്ടല്‍ ജീവനക്കാര്‍ നടത്തിയ പരിശോധനയിലാണ് ഗായത്രിയുടെ മൃതദേഹം കണ്ടെത്തിയത്. പെ​ണ്‍​കു​ട്ടി​യെ കാ​ണാ​നി​ല്ലെ​ന്ന് വീ​ട്ടു​കാ​ര്‍ നേ​ര​ത്തെ പ​രാ​തി​പ്പെ​ട്ടി​രു​ന്നു.
മ​രി​ച്ച ഗാ​യ​ത്രി​യും പ്ര​വീ​ണും ന​ഗ​ര​ത്തി​ലെ ജ്വ​ല്ല​റി​യി​ല്‍ ഒ​രു​മി​ച്ച്‌ ജോ​ലി ചെ​യ്തി​രു​ന്ന​വ​രാ​ണ്. പ്രവീണ്‍ വിവാഹിതനാണ്. ഇതിനിടയിലാണ്, ഒരുമിച്ച്‌ ജോലി ചെയ്യുന്ന ഗയാത്രിയുമായി പ്രവീണ്‍ അടുക്കുന്നത്. ഇതറിഞ്ഞ് പ്രവീണിന്റെ ഭാര്യ പ്രശ്നമുണ്ടാക്കി. ഗായത്രിയുമായുള്ള ബന്ധം അറിഞ്ഞ പ്രവീണിന്റെ ഭാര്യ, പ്രവീണ്‍ ജോലി ചെയ്യുന്ന ജ്വല്ലറിയില്‍ പരാതിപ്പെട്ടിരുന്നു. ഇതോടെ, പ്രവീണിനെ സ്ഥലം മാറ്റാനുള്ള നീക്കം നടക്കുന്നതിനിടെയാണ് ഗായത്രിയുടെ മരണവിവരം പുറത്തുവരുന്നത്. കുടുംബത്തില്‍ പ്രശ്നം ഉണ്ടായതോടെ, ഗായത്രിയെ ഒഴിവാക്കാന്‍ പ്രവീണ്‍ തീരുമാനിച്ചിരുന്നോ എന്ന തരത്തിലാണ് പോലീസ് അന്വേഷണം.
സംഭവത്തില്‍, വിശദമായി അന്വേഷണം നടക്കുകയാണ് എന്ന് തമ്ബാനൂര്‍ സിഐ എസ് സനോജ് അറിയിച്ചു. ഫോറന്‍സിക് സംഘം ഉള്‍പ്പെടെ സംഭവം നടന്ന ഹോട്ടലിലെത്തിയിട്ടുണ്ട്. വായില്‍ നിന്ന് നുരയും പതയും വന്ന നിലയിലായിരുന്നു ഗായത്രിയുടെ മൃതദേഹം. വിഷം കഴിച്ചതാണ് മരണകാരണം. പ്രവീണിനെ കസ്റ്റയിലെടുക്കാനുള്ള തീരുമാനത്തിലാണ് പോലീസ്.