![“Manju”](https://santhigirinews.org/wp-content/uploads/2020/04/YOUTUBE.jpg")
തൃശ്ശൂര്‍ : മുതിര്‍ന്ന കോണ്‍ഗ്രസ് നേതാവ് കെ ശങ്കരനാരായണന്റെ സംസ്കാരം ഇന്ന് നടക്കും. ഉച്ച വരെ പാലക്കാട് ശേഖരിപുരത്തെ വസതിയിലും തുടര്‍ന്ന്, ഡി.സി.സി. ഓഫീസില്‍ 4 മണിവരെയും മൃതദേഹം പൊതുദര്‍ശനത്തിനു വെക്കും. സംസ്കാരം ഇന്ന് വൈകിട്ട് അഞ്ചരയ്ക്ക് തൃശൂര്‍ പൈങ്കുളത്തെ തറവാട്ട് വീട്ടുവളപ്പിലാണ്.
ഇന്നലെയാണ് കെ ശങ്കരനാരായണന്‍ അന്തരിച്ചത്. 89 വയസായിരുന്നു. പാലക്കാട്ടെ വീട്ടില്‍ വച്ചായിരുന്നു അന്ത്യം. കുറച്ചു നാളുകളായി ആരോഗ്യ പ്രശ്നങ്ങളെ തുടര്‍ന്ന് വീട്ടില്‍ ചികിത്സയില്‍ കഴിയുകയായിരുന്നു. ആറു സംസ്ഥാനങ്ങളില്‍ ഗവര്‍ണര്‍ ആയിരുന്ന ഏക മലയാളിയായിരുന്നു അദ്ദേഹം. എ.കെ. ആന്റണി, കെ.കരുണാകരന്‍ മന്ത്രിസഭകളില്‍ അംഗമായിരുന്നു.
