രാജീവ് ഗാന്ധി വധക്കേസ് പ്രതി എ.ജി. പേരറിവാളന്റെ മോചനവിഷയത്തില് ഗവര്ണര്ക്കെതിരെ തമിഴ്നാട് സര്ക്കാര് സുപ്രിംകോടതിയില്. പേരറിവാളനെ മോചിപ്പിക്കണമെന്ന മന്ത്രിസഭാ തീരുമാനത്തിന് ഗവര്ണര് തടസം നിന്നുവെന്ന് തമിഴ്നാട് സര്ക്കാര് കോടതിയെ അറിയിച്ചു.
മന്ത്രിസഭാ ശുപാര്ശ രാഷ്ട്രപതിക്ക് അയച്ച ഗവര്ണറുടെ നടപടി ഭരണഘടനയ്ക്ക് എതിരാണ്. രാഷ്ട്രപതിക്കോ, ഗവര്ണര്ക്കോ മന്ത്രിസഭാ തീരുമാനത്തെ ചോദ്യം ചെയ്യാന് കഴിയില്ലെന്നും തമിഴ്നാട് സര്ക്കാര് വ്യക്തമാക്കി. ജയില് മോചനമാവശ്യപ്പെട്ട് രാജീവ് ഗാന്ധി വധക്കേസ് പ്രതി എ.ജി. പേരറിവാളന് സമര്പ്പിച്ച ഹര്ജി സുപ്രിംകോടതി ഇന്ന് പരിഗണിക്കും.