ഗാന്ധിനഗര് :ഗുജറാത്ത് കോണ്ഗ്രസ് വര്ക്കിംഗ് പ്രസിഡന്റ് ഹാര്ദിക് പട്ടേല് പാര്ട്ടിയില് നിന്നും രാജിവെച്ചു.
ഗുജറാത്തില് നിയമസഭാ തിരഞ്ഞെടുപ്പ് അടുത്തിരിക്കെയാണ് കോണ്ഗ്രസിന് വലിയ തിരിച്ചടി നല്കി ഹാര്ദിക് പട്ടേല് പാര്ട്ടിവിട്ടിരിക്കുന്നത്. നേരത്തെ ബി ജെ പിയേയും പ്രധാനമന്ത്രി നരേന്ദ്ര മോദിയേയും പുകഴ്ത്തി പട്ടേല് സംസാരിച്ചിരുന്നു.
കഴിഞ്ഞ നിയമസഭാ തിരഞ്ഞെടുപ്പിലാണ് പട്ടേല് വിഭാഗത്തെ പാര്ട്ടിയോട് അടുപ്പിക്കാനുള്ള നീക്കമെന്നോണം ഹാര്ദികിനെ കോണ്ഗ്രസിലെത്തിച്ചത്. ഇതിന്റെ ഗുണം കോണ്ഗ്രസിന് ലഭിച്ചിരുന്നു. പട്ടേല് വിഭാഗത്തിന്റെ കരുത്തില് മികച്ച പോരാട്ടം നടത്തിയ കോണ്ഗ്രസിന് നേരിയ സീറ്റുകളുടെ വിത്യാസത്തിനാണ് ഭരണം നഷ്ടപ്പെട്ടത്. കഴിഞ്ഞ നിയമസഭാ തിരഞ്ഞെടുപ്പിലാണ് പട്ടേല് വിഭാഗത്തെ പാര്ട്ടിയോട് അടുപ്പിക്കാനുള്ള നീക്കമെന്നോണം ഹാര്ദികിനെ കോണ്ഗ്രസിലെത്തിച്ചത്. ഇതിന്റെ ഗുണം കോണ്ഗ്രസിന് ലഭിച്ചിരുന്നു. പട്ടേല് വിഭാഗത്തിന്റെ കരുത്തില് മികച്ച പോരാട്ടം നടത്തിയ കോണ്ഗ്രസിന് നേരിയ സീറ്റുകളുടെ വിത്യാസത്തിനാണ് ഭരണം നഷ്ടപ്പെട്ടത്.
ഇപ്പോള് നരേഷ് പട്ടേലെന്ന പുതിയ ഒരു പട്ടേല് നേതാവിനെ കോണ്ഗ്രസിലെത്തിക്കാന് പാര്ട്ടി നീക്കം തുടങ്ങിയതാണ് ഹാര്ദികനെ ചൊടിപ്പിച്ചത്. കഴിഞ്ഞ ഏതാനും ദിവസങ്ങളായി അദ്ദേഹം പാര്ട്ടിയുമായി നിസ്സഹകരണത്തിലായിരുന്നു. തന്റെ ട്വിറ്റര് അടക്കമുള്ള സോഷ്യല് മീഡിയ എക്കൗണ്ടുകളില് നിന്ന് കോണ്ഗ്രസ് നേതാവ് എന്നത് ഹാര്ദിക് നേരത്തെ നീക്കിയിരുന്നു. ഇതിന് പിന്നാലെയാണ് ഇപ്പോള് പ്രാഥമിക അംഗ്വത്വത്തില് നിന്നും രാജിവെച്ചിരിക്കുന്നത്.