സംസ്ഥാന അവാ‍ര്‍ഡ് പ്രതികരിച്ച് : ഇന്ദ്രന്‍സ്‍

സംസ്ഥാന ചലചിത്ര പുരസ്‌കാര ജൂറിയ്ക്ക് കടുത്ത വിമര്‍ശനം. ഹോം എന്ന സിനിമയെ തഴഞ്ഞതിനെതിരെ പല പ്രമുഖരും രംഗത്ത് വന്നു.ചിത്രത്തിലെ അഭിനയത്തിന് ഇന്ദ്രന്‍സിനെ മികച്ച നടനായി പരിഗണിക്കാത്തതിലും, മഞ്ജുപിളളയെ മികച്ച നടിയായി പരിഗണിക്കാത്തതിലും വിമര്‍ശനമുണ്ട്.സിനിമയെ പൂര്‍ണ്ണമായി ജൂറി തളളി കളഞ്ഞിരിക്കുകയാണ്.
ലൈംഗിക പീഡന പരാതി നേരിടുന്ന വിജയ് ബാബുവാണ് ഹോം നിര്‍മ്മിച്ചിരിക്കുന്നത്.അതുകൊണ്ടാണ് സിനിമയെ തഴഞ്ഞതെന്ന് പറയപ്പെടുന്നു.
‘ഹോം ജൂറി കണ്ടിട്ടില്ലെന്നും, കുടുംബത്തില്‍ ഒരാള്‍ തെറ്റ് ചെയ്താല്‍ ശിക്ഷ എല്ലാവര്‍ക്കും നല്‍കുന്നത് ശരിയല്ല എന്നും നടന്‍ ഇന്ദ്രന്‍സ് പ്രതികരിച്ചു.വ്യക്തിപരമായി എനിക്ക് പുരസ്‌ക്കാരം ലഭിക്കാത്തതില്‍ വിഷമമില്ല.എന്നാല്‍ സിനിമ പൂര്‍ണ്ണമായി തഴഞ്ഞതെന്തിനെന്ന് എന്നറിയില്ല.മികച്ച നടനുളള പുരസ്‌ക്കാരം രണ്ട് പേര്‍ പങ്കിട്ടില്ലെ അതുപോലെ ജനപ്രിയ ചിത്രത്തിനുളള അവാര്‍ഡ് ലഭിച്ച ഹൃദയം നല്ല ചിത്രമാണ് .
അതിനൊപ്പം ഹോമിനെയും ചേര്‍ത്തുവെയ്ക്കാരുന്നില്ലെ.എന്റെ കുടുംബം തുലച്ചു കളഞ്ഞതില്‍ സങ്കടമുണ്ട്.ഹോം സിനിമയുടെ പിന്നില്‍ വലിയ ക്രൂ ഉണ്ടായിരുന്നു. കോറോണ കാലത്ത് സര്‍ക്കാര്‍ തന്ന പരിമിതികള്‍ക്കുളളില്‍ ചെയ്ത സിനിമയാണ്.സംവിധായകന്റെ ഒരുപാട് കാലത്തെ സ്വപ്നം. പലരും ഒടിടി പ്ലാറ്റ്‌ഫോം അറിഞ്ഞു തുടങ്ങിയത് ത്‌ന്നെ ഹോം സിനിമയ്ക്ക് ശേഷമാണ്.സിനിമ കണ്ടവരെല്ലാം നല്ല അഭിപ്രായമാണ് പറഞ്ഞത്.സിനിമയെ ഒഴിവാക്കാന്‍ ആദ്യമെ കാരണം കണ്ടെത്തിയിട്ടുണ്ടാകും’.
‘യോഗമില്ലാത്തതിനാലാവാം പുരസ്‌ക്കാരത്തിന് പിരിഗണിക്കാതെന്ന് മഞ്ജുപിളള പ്രതികരിച്ചു.നല്ല സിനിമ കാണാ്‌തെ പോയതില്‍ വിഷമമുണ്ട് കഠിനാധ്വാനം കാണാത്തത് ശരിയല്ലെന്നും’ മഞ്ജു പറഞ്ഞു.
സിനിമയ്ക്ക് പുരസ്‌കാരം ലഭിക്കാത്തതില്‍ പല പ്രമുഖരും രംഗത്ത് വന്നു.’ ഹൃദയം കവര്‍ന്ന അഭിനയ പ്രതിഭയുടെ ഹോം എന്ന സിനിമയിലെ ഈ പുഞ്ചിരിയോളം മികച്ച ഭാവ പകര്‍ച്ച മറ്റ് അഭിനേതാക്കളില്‍ കാണാന്‍ കഴിഞ്ഞ ജൂറിയ്ക്ക് പ്രത്യേക അഭിനന്ദനങ്ങളെന്ന് ടി.സിദ്ധിഖ് കുറിച്ചു.
ഹോം എന്നും ഞങ്ങളുടെ ഹൃദയത്തില്‍ എന്ന് ഇന്ദ്രന്‍സിന്റെ ചിത്രം പങ്ക് വെച്ച്‌, രമ്യ നമ്ബീശന്‍ പറഞ്ഞു.
ഷാഫി പറമ്ബിലും ഇന്ദ്രന്‍സിന്റെ ചിത്രമാണ് പങ്ക് വെച്ചിരിക്കുന്നത്.മികച്ച നടന്‍ ഇന്ദ്രന്‍സ് ആണെന്ന് നിരവധി പ്രതികരണങ്ങളാണ് വന്നിരിക്കുന്നത്.