പുതിയ ജനസംഖ്യാ നയം പുറത്തിറക്കി ഉത്തർപ്രദേശ്

ഡല്‍ഹി: ലോക ജനസംഖ്യാ ദിനത്തോടനുബന്ധിച്ച് ഉത്തർപ്രദേശ് സർക്കാർ 2021-2030 ലെ പുതിയ ജനസംഖ്യാ നയം പുറത്തിറക്കി. സംസ്ഥാനത്തെ ജനസംഖ്യ നിയന്ത്രിക്കുന്നതിന് രണ്ട് കുട്ടികൾ തമ്മിൽ ഒരു വിടവ് ഉണ്ടാകണമെന്ന് യുപി മുഖ്യമന്ത്രി യോഗി ആദിത്യനാഥ് പറഞ്ഞു
ജനസംഖ്യാ വര്‍ധനവ്‌ സംസ്ഥാനത്തിന്റെയും രാജ്യത്തിന്റെയും വികസനത്തിന് തടസ്സങ്ങൾ സൃഷ്ടിക്കുമെന്ന് അദ്ദേഹം പറഞ്ഞു. പുതിയ ജനസംഖ്യാ നയത്തിൽ, ജനനനിരക്ക് 2026 ഓടെ ആയിരം ജനസംഖ്യയ്ക്ക് 2.1 ആയും 2030 ഓടെ 1.9 ആയും ലക്ഷ്യമിടുന്നു.
നിർദ്ദിഷ്ട നയത്തിലൂടെ, കുടുംബാസൂത്രണ പദ്ധതി പ്രകാരം പുറപ്പെടുവിക്കുന്ന ഗർഭനിരോധന നടപടികളുടെ ലഭ്യത വർദ്ധിപ്പിക്കാനും സുരക്ഷിതമായ ഗർഭച്ഛിദ്രത്തിന് ശരിയായ സംവിധാനം നൽകാനും ശ്രമിക്കും.