അഞ്ചല്: കോവിഡ് പ്രതിരോധ കുത്തിവെപ്പെടുത്തതോടെ ശരീരത്തിന് ബലക്ഷയവും മറ്റ് അസ്വസ്ഥതകളും കാഴ്ചക്കുറവും അനുഭവപ്പെ വീട്ടമ്മ പ്രതിസന്ധിയില്. വിവരം അഞ്ചല് സി.എച്ച്.സിയിലെ ആരോഗ്യ പ്രവര്ത്തകരെയറിയിച്ചപ്പോള് രണ്ടു മൂന്ന് ദിവസത്തിനകം മാറുമെന്ന് പറഞ്ഞു. ദിവസങ്ങള് കഴിഞ്ഞതോടെ ശരീരമാസകലം നീരുവരികയും ഒരു കണ്ണിന്റെ കാഴ്ചയില്ലാതാകുകയും ചെയ്തു.
അഞ്ചല് പനയംചേരി കോടിയാട്ടു താഴതില് വീട്ടില് നസീമ (43)യാണ് ബുദ്ധിമുട്ടിലായത്. പൊലീസ് സ്റ്റേഷന് സമീപം ഹോട്ടല് നടത്തുന്ന വിധവയായ നസീമക്ക് കഴിഞ്ഞ ഡിസംബറില് കോവിഡ് പ്രതിരോധത്തിന്റെ രണ്ടാം കുത്തിവെപ്പെടുത്തതോടെ അസ്വസ്ഥതകളും കാഴ്ചക്കുറവും അനുഭവപ്പെട്ടു.
വിവരം അഞ്ചല് സി.എച്ച്.സിയിലെ ആരോഗ്യ പ്രവര്ത്തകരെയറിയിച്ചപ്പോള് രണ്ടു മൂന്ന് ദിവസത്തിനകം മാറുമെന്ന് പറഞ്ഞു. ദിവസങ്ങള് കഴിഞ്ഞതോടെ ശരീരമാസകലം നീരുവരികയും ഒരു കണ്ണിന്റെ കാഴ്ചയില്ലാതാകുകയും ചെയ്തു. പുനലൂര് താലൂക്കാശുപത്രിയിലേക്ക് മാറ്റിയെങ്കിലും അവിടെ നിന്ന് തിരുവനന്തപുരം മെഡിക്കല് കോളജ് ആശുപത്രിയിലേക്ക് വിട്ടു.
മെഡിക്കല് കോളജ് അധികൃതര് കണ്ണിന്റെ ചികിത്സക്കായി തിരുനല്വേലി അരവിന്ദ് കണ്ണാശുപത്രിയിലേക്ക് വിട്ടു. കോവിഡ് വാക്സിന് സംബന്ധമായ വിഷയമായതിനാല് തിരുനല്വേലിയില് നിന്ന് തിരിച്ചയച്ചു. ചികിത്സക്കുള്ള സഹായം സര്ക്കാറില്നിന്നുണ്ടാകണമെന്നാണ് ആവശ്യം.