റോയല്‍‌സ് ഫീല്‍‌ഡിംഗ് കോച്ചിന് കോവിഡ് സ്ഥിരീകരിച്ചു

ശ്രീജ.എസ്

ഇന്ത്യന്‍ പ്രീമിയര്‍ ലീഗ് (ഐ‌പി‌എല്‍) ഫ്രാഞ്ചൈസി രാജസ്ഥാന്‍ റോയല്‍‌സ് തങ്ങളുടെ ഫീല്‍ഡിംഗ് കോച്ച്‌ ദിഷാന്ത് യാഗ്നിക് കൊറോണ വൈറസിന് പോസിറ്റീവ് സ്ഥിരീകരിച്ചതായി പ്രഖ്യാപിച്ചു. പതിമൂന്നാമത് ഐ‌പി‌എല്‍ പതിപ്പ് സെപ്റ്റംബര്‍ 19 മുതല്‍ നവംബര്‍ 10 വരെ കളിക്കാനിരിക്കുന്ന യു‌എഇയിലേക്കുള്ള വിമാനത്തിനായി ടീം അംഗങ്ങള്‍ അടുത്തയാഴ്ച മുംബൈയില്‍ ഒത്തുകൂടേണ്ടതുണ്ടെന്ന കാര്യം കണക്കിലെടുത്താണ് പഇപ്പോള്‍ ടെസ്റ്റ് നടത്തിയത്.

യാഗ്നിക് ഇപ്പോള്‍ ജന്മനാടായ ഉദയ്പൂരിലാണ്. 14 ദിവസത്തെ ക്വാറന്റൈനില്‍ ആണ് അദ്ദേഹം. കഴിഞ്ഞ 10 ദിവസമായി ഫീല്‍ഡിംഗ് പരിശീലകനുമായി അടുത്തിടപഴകിയ എല്ലാവരോടും ഫ്രാഞ്ചൈസി സ്വയം നിരീക്ഷിക്കാനും കോവിഡ് -19 പരീക്ഷിക്കണമെന്നും അഭ്യര്‍ത്ഥിച്ചു.