പ്രവാസി പ്രശ്നങ്ങള് അവതരിപ്പിച്ച് അസോസിയേഷന്
മസ്കത്ത്: കൊല്ലം പ്രവാസി അസോസിയേഷന് ഒമാന് ഭാരവാഹികള് ഇന്ത്യന് എംബസി അധികാരികളുമായി കൂടിക്കാഴ്ച നടത്തി.പ്രവാസികള് നേരിടുന്ന പ്രശ്നങ്ങള് ചര്ച്ചചെയ്യാനും അസോസിയേഷന്റെ പ്രവര്ത്തനങ്ങള് ഇന്ത്യന് എംബസിയെ അറിയിക്കാനുമായിരുന്നു കൂടിക്കാഴ്ച. കൊല്ലം പ്രവാസി അസോസിയേഷന്-ഒമാന് നടത്തുന്ന സാമൂഹികക്ഷേമ പ്രവര്ത്തനങ്ങളെ എംബസി പ്രശംസിച്ചു. പ്രവാസികള് നേരിടുന്ന തൊഴില് പ്രശ്നങ്ങള്, ആശുപത്രി സംബന്ധ പ്രശ്നങ്ങള്, മരണം എന്നിവ ചര്ച്ചയുടെ ഭാഗമായി. കൊല്ലം സ്വദേശികളായ ഇരുനൂറോളം പ്രവാസികളുള്ള ഈ കൂട്ടായ്മയിലേക്ക് കൂടുതല്പേരെ ഭാഗമാക്കി സംഘടന അവര്ക്ക് എന്നും താങ്ങും തണലുമായി നിലകൊള്ളുമെന്ന് പ്രസിഡന്റ് കൃഷ്ണേന്ദു പറഞ്ഞു.