വിദ്യാഭ്യാസ മേഖലയിലെ സമൂലമാറ്റത്തിന് നിര്ദ്ദേശങ്ങള്
കണ്ണൂര്: മികവിന്റെ അടിസ്ഥാനത്തില് അധ്യാപകരുടെ സ്ഥാനക്കയറ്റം, അക്കാദമിക്, പാഠ്യേതര മികവിന്റെ അടിസ്ഥാനത്തില് സ്കൂളുകളുടെ ഗ്രേഡിംഗ്, അധ്യാപക സംഘടനകളുടെ എണ്ണം കുറയ്ക്കല് തുടങ്ങിയ പൊതുവിദ്യാഭ്യാസ രംഗത്ത് സമൂലമായ മാറ്റത്തിനുള്ള നിര്ദ്ദേശങ്ങള് അധ്യാപകരുടെയും അധ്യാപക സംഘടനകളുടെയും മുന്നില് ചര്ച്ചയ്ക്കു വച്ച് വിദ്യാഭ്യാസ മന്ത്രി വി ശിവന്കുട്ടി.
സംസ്ഥാന അധ്യാപക ദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. കൈയ്യടി ലഭിക്കില്ലെന്ന ഉറപ്പോടെയാണ് നിര്ദ്ദേശങ്ങള് വയ്ക്കുന്നതെന്നും അദ്ദേഹം പറഞ്ഞു. അധ്യാപകരുടെ സ്ഥാനക്കയറ്റത്തിന് സീനിയോറിറ്റി മാത്രം പരിഗണിച്ചാല് മതിയോ? അധ്യാപകരുടെ അറിവ്, കഴിവ്, കഴിവ് എന്നിവയും പരിഗണിക്കേണ്ടതല്ലേ?, സ്കൂളുകളുടെ പഠന, പഠനേതര മികവും സാമൂഹിക പ്രതിബദ്ധതയും പരിഗണിച്ചുള്ള ഗ്രേഡിംഗ് നടപ്പാക്കണം, അധ്യാപക പരിശീലനം ആറു മാസത്തില് ഒരിക്കലാക്കണം തുടങ്ങിയ നിര്ദ്ദേശങ്ങളാണ് മന്ത്രി മുന്നോട്ട് വച്ചത്.