പുസ്തകങ്ങള് അണുമുക്തമാക്കാന് അള്ട്രാവയലറ്റ് സംവിധാനം
ശ്രീജ.എസ്
സൗദിയില് പുസ്തകങ്ങള് അണുമുക്തമാക്കാന് അള്ട്രാവയലറ്റ് സംവിധാനം. അലുമിനിയം ബോക്സിന്റെ രൂപത്തിലാണ് അള്ട്രാവയലറ്റ് രശ്മികള്കൊണ്ട് സജ്ജീകരിച്ച ഉപകരണമെന്ന് സാങ്കേതിക വിഭാഗം അണ്ടര് സെക്രട്ടറി മുഹമ്മദ് ബിന് മുസ്ലിഹ് അല്ജാബിരി പറഞ്ഞു. ഉപകരണത്തിന്റെ ഉള്ളില് ഫാനും പൊടികള് വലിച്ചെടുക്കാന് ഫില്ട്ടറുമുണ്ട്.
ആറു പുസ്തകങ്ങള് ഉള്ക്കൊള്ളാന് ഉപകരണത്തിന് കഴിയും. രണ്ട് മിനിറ്റിനുള്ളില് ആറ് പുസ്തകങ്ങള് എന്ന നിരക്കില് മണിക്കൂറില് നൂറിലധികം പുസ്തകങ്ങള് അണുമുക്തമാക്കാനാകും. ഏജന്സി പറഞ്ഞ മാനദണ്ഡങ്ങള്ക്കനുസൃതമായി ഉപകരണത്തിന്റെ പ്രവര്ത്തനം ഉറപ്പാക്കുന്നതിന് പ്രത്യേക ടീം മേല്നോട്ടത്തിനുണ്ട്.