ശ്രീജ.എസ്
മലപ്പുറം: പി.കെ. കുഞ്ഞാലിക്കുട്ടി സംസ്ഥാന രാഷ്ട്രീയത്തിലേക്കു തിരിച്ചെത്തുന്നു. ഇതിനായി എംപി സ്ഥാനം രാജിവയ്ക്കും. വരുന്ന നിയമസഭ തെരഞ്ഞെടുപ്പില് മത്സരിക്കും.
നിയമസഭാ തെരഞ്ഞെടുപ്പിനൊപ്പം ലോക്സഭ ഉപതെരഞ്ഞെടുപ്പും വരുംവിധമാകും രാജിയെന്നു മുസ്ലിം ലീഗ് സംസ്ഥാന ജനറല് സെക്രട്ടറി കെ.പി.എ. മജീദ് പറഞ്ഞു. കുഞ്ഞാലിക്കുട്ടിയും എം.കെ മുനീറും തിരുവനന്തപുരം കേന്ദ്രീകരിച്ചു പ്രവര്ത്തിക്കും.
കുഞ്ഞാലിക്കുട്ടി സംസ്ഥാന രാഷ്ട്രീയത്തിലേക്കു തിരിച്ചെത്തുന്നതു സംബന്ധിച്ചു ലീഗ് പ്രവര്ത്തക സമിതി യോഗത്തില് ചര്ച്ച ചെയ്തിരുന്നു. ഇതിനു പിന്നാലെയാണു ലീഗ് നേതൃത്വം നിലപാട് വ്യക്തമാക്കിയിരിക്കുന്നത്.