സഞ്ജു സാംസൺ ടി-20 ടീമിൽ ; എത്തുന്നത് കെ എൽ രാഹുലിന് പകരക്കാരനായി
ന്യൂഡൽഹി : മലയാളി താരം സഞ്ജു സാംസൺ ടി-20 ടീമിൽ ഇടംപിടിച്ചെന്ന് റിപ്പോർട്ട് . സഞ്ജുവിന്റെ പേര് ടി-20 പരമ്പരയ്ക്കുള്ള 18 അംഗ ടീമിൽ ഉൾപ്പെട്ടിട്ടുണ്ടെന്നാണ് റിപ്പോർട്ടുകൾ. കൊറോണ ബാധിച്ച് പുറത്തായ വിക്കറ്റ് കീപ്പർ ബാറ്റർ കെ എൽ രാഹുലിന് പകരക്കാരനായി ആവും താരം കളിക്കളത്തിൽ ഇറങ്ങുക. നിലവിൽ സഞ്ജു ട്രിനിഡാഡിൽ തന്നെ തുടരുകയാണ്.
ടി-20 പരമ്പര ആരംഭിക്കുന്നത് ഇന്ന് മുതലാണ്. അഞ്ച് മത്സരങ്ങളാണ് പരമ്പരയിൽ ആകെ ഉള്ളത്. അതേസമയം ടീമിൽ ഉൾപ്പെട്ടിട്ടുണ്ടെങ്കിലും താരം കളിക്കാനിറങ്ങുമോ എന്ന കാര്യത്തിൽ വ്യക്തത വന്നിട്ടില്ല.
ആദ്യ മൂന്ന് മത്സരങ്ങൾ വെസ്റ്റ് ഇൻഡീസിലും അവസാന രണ്ട് മത്സരങ്ങൾ അമേരിക്കയിലെ ഫ്ളോറിഡയിലുമാണ് നടക്കുക. ഇന്ന് നടക്കുന്ന ആദ്യ മത്സരം ട്രിനിഡാഡിലെ ബ്രയാൻ ലാറ സ്റ്റേഡിയത്തിലാണ്.അടുത്ത രണ്ട് മത്സരങ്ങൾ സെന്റ് കിറ്റ്സിലും അവസാന മത്സരങ്ങൾ ഫ്ളോറിഡയിലുമാണ്.