പ്രാഥമിക ഓഹരി വില്പ്പനയിലേക്കുള്ള ചുവടുകള് ശക്തമാക്കി ധര്മ്മജ് ക്രോപ്പ് ഗാര്ഡ്. നവംബര് 28 മുതലാണ് ഐപിഒ ആരംഭിച്ചത്. ഐപിഒയിലൂടെ 250 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. 2015- ല് ആരംഭിച്ച അഗ്രോ കെമിക്കല് കമ്പനിയാണ് ധര്മ്മജ് ക്രോപ്പ് ഗാര്ഡ്.
ഓരോ സാമ്പത്തിക വര്ഷങ്ങളിലെയും പ്രവര്ത്തനങ്ങളില് നിന്ന് മികച്ച വരുമാനമാണ് കമ്പനി നേടിയിരിക്കുന്നത്. 2020- ല് 1,982.22 ദശലക്ഷം, 2021-ല് 3,024.10 ദശലക്ഷം, 2022 ല് 3,962.88 ദശലക്ഷം എന്നിങ്ങനെയാണ് വരുമാനം. ഗുജറാത്തിലെ അഹമ്മദാബാദിലാണ് കമ്പനിയുടെ ഉല്പ്പാദന കേന്ദ്രം പ്രവര്ത്തിക്കുന്നത്. കീടനാശിനികള്, കുമിള്നാശിനികള്, കളനാശിനികള്, സസ്യ വളര്ച്ച നിയന്ത്രിക്കുന്നവ, മൈക്രോ വളങ്ങള്, ആന്റി ബയോട്ടിക്കുകള് എന്നിവയാണ് കമ്പനി പ്രധാനമായും ഉല്പ്പാദിപ്പിക്കുന്നത്. ഇന്ത്യയില് 4200ലധികം ഡീലര്മാരാണ് കമ്പനിക്കുള്ളത്.