കുവൈത്തില് കോവിഡ് കേസുകള് ഉയരുന്നു
കുവൈത്തില് പ്രതിദിന കോവിഡ് കേസുകള് കുത്തനെ ഉയരുന്നു. രണ്ടാഴ്ച മുമ്പ് 20ന് മുകളിലായിരുന്നു കേസുകളെങ്കില് കഴിഞ്ഞ ദിവസം ഇത് 500 കവിഞ്ഞു.ജാഗ്രത പുലര്ത്തല് അനിവാര്യമായ സാഹചര്യമാണ് ഉടലെടുക്കുന്നത്. തീവ്രപരിചരണ വിഭാഗത്തിലുള്ളവരെ എണ്ണവും മരണനിരക്കും വര്ധിക്കാത്തത് ആശ്വാസമാണ്. ഒമിക്രോണ് കണ്ടെത്തിയ 13 പേരെ പ്രത്യേക നിരീക്ഷണത്തില് മാറ്റിപ്പാര്പ്പിച്ചതും കൂടുതല് ഒമിക്രോണ് റിപ്പോര്ട്ട് ചെയ്യാത്തതും ശുഭകരമാണ്.
ആശുപത്രി വാര്ഡുകളില് 24 പേര് മാത്രമാണുള്ളത്. നാലുപേരാണ് തീവ്രപരിചരണ വിഭാഗത്തില്. കഴിഞ്ഞ ദിവസവും മരണം റിപ്പോര്ട്ട് ചെയ്തില്ല. രാജ്യത്തെ ആക്ടിവ് കോവിഡ് കേസുകള് ഉയരുന്നുണ്ടെങ്കിലും ജനങ്ങളില് അതനുസരിച്ചുള്ള ഗൗരവം ഇല്ല. 2573 ആണ് ആക്ടിവ് കോവിഡ് കേസുകള്.