![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
തിരുവനന്തപുരം: അഴിമതി ആരോപണവുമായി ബന്ധപ്പെട്ടു് പ്രതിസ്ഥാനത്തുള്ള ഖാദി ബോര്‍ഡ് സെക്രട്ടറിയുടെ ശമ്പളം ഇരട്ടിയാക്കാന്‍ വ്യവസായ മന്ത്രി ഇ.പി. ജയരാജന്റെ ഇടപെടല്‍. ഖാദി ബോര്‍ഡ് സെക്രട്ടറി കെ.എ. രതീഷിന്റെ ശമ്പളം 1.72 ലക്ഷമാക്കി ഉയര്‍ത്താനാണ് ഖാദി ഡയറക്ടര്‍ ബോര്‍ഡ് യോഗത്തില്‍ മന്ത്രി ജയരാജന്‍ ഇടപെടലുണ്ടായത്.
കശുവണ്ടി വികസന കോര്‍പറേഷനില്‍ കെ.എ. രതീഷ് മാനേജിംഗ് ഡയറക്ടറായിരിക്കേ നടന്ന അഴിമതി കേസില്‍ ഇദ്ദേഹത്തെ പ്രതിപ്പട്ടികയില്‍ ഉള്‍പ്പെടുത്തിയിരുന്നു. പിന്നീട് ഇദ്ദേഹത്തെ ഖാദി ബോര്‍ഡില്‍ സെക്രട്ടറിയാക്കുകയായിരുന്നു. ഇവിടെ ശമ്പളം ഉയര്‍ത്തണമെന്നു നിര്‍ദേശിച്ചു രതീഷ് തന്നെ ബോര്‍ഡിന് ശുപാര്‍ശ സമര്‍പ്പിച്ചിരുന്നു.
ബോര്‍ഡ് ഉപാധ്യക്ഷ ഇതു സര്‍ക്കാരിലേക്കു കൈമാറി. എന്നാല്‍, സെക്രട്ടറിക്കു മാത്രമായി ഇത്രയും ശമ്പളം നല്‍കാന്‍ ഖാദി ബോര്‍ഡിന് സാമ്പത്തിക അടിത്തറയില്ലെന്നായിരുന്നു അറിയിച്ചത്. കെ.എ. രതീഷിനു ശമ്പളം വര്‍ധിപ്പിക്കാനുള്ള ശുപാര്‍ശ വിവാദമായതിനെ തുടര്‍ന്നാണ് മന്ത്രി ഇടപെട്ടു വര്‍ധിപ്പിക്കാന്‍ നിര്‍ദേശിച്ചത്.
