തിരുവനന്തപുരം :കേരളത്തിലേക്ക് വിനോദസഞ്ചാരികളെ ആകര്ഷിക്കാന് വിവിധങ്ങളായ പദ്ധതികളാണ് സംസ്ഥാന സര്ക്കാര് ആവിഷ്കരിക്കുന്നത്.
സമുദ്രനിരപ്പില്നിന്ന് 3600 അടി ഉയരത്തിലുള്ള വാഗമണ്ണില് 120 അടി നീളത്തില് ജര്മനിയില്നിന്ന് ഇറക്കുമതി ചെയ്ത ഗ്ലാസില് നിര്മിച്ച പാലത്തിനു മൂന്ന് കോടിയാണ് നിര്മാണച്ചെലവ്. 35 ടണ് സ്റ്റീലാണ് പാലം നിര്മാണത്തിന് ഉപയോഗിച്ചിരിക്കുന്നത്. ഒരേസമയം 15 പേര്ക്ക് കയറാവുന്ന പാലത്തില് കയറി നിന്നാല് മുണ്ടക്കയം, കൂട്ടിക്കല്, കൊക്കയാര് മേഖലകള്വരെ കാണാന് സാധിക്കും. ആകാശ ഊഞ്ഞാല്, സ്കൈ സൈക്ലിങ്, സ്കൈ റോളര്, റോക്കറ്റ് ഇജക്ടര്, ഫ്രീഫോള്, ജയന്റ് സ്വിങ്, സിപ്ലൈന് തുടങ്ങിയവയും സാഹസിക പാര്ക്കില് ഒരുക്കിയിട്ടുണ്ട്.