കുവൈത്ത് സിറ്റി: കുവൈത്തില് എണ്ണശുദ്ധീകരണ ശാലയില് തീപിടിത്തം. കുവൈത്ത് നാഷനല് പെട്രോളിയം കമ്ബനിയുടെ മിനാ അഹമ്മദി റിഫൈനറിയിലെ യൂനിറ്റ് 35ലാണ് അപകടമുണ്ടായത്.
തീ പൂര്ണമായി നിയന്ത്രണവിധേയമാക്കിയതായി കെ.എൻ.പി.സി വക്താവ് ഗാനിം അല് ഒതൈബി അറിയിച്ചു. ചുരുങ്ങിയ സമയത്തിനുള്ളില് തീ നിയന്ത്രണവിധേയമാക്കിയ അഗ്നിശമനസേനാംഗങ്ങളെയും തൊഴിലാളികളെയും അദ്ദേഹം അഭിനന്ദിച്ചു. റിഫൈനറി പ്രവര്ത്തനങ്ങളെയും എണ്ണ കയറ്റുമതിയെയും അപകടം ബാധിച്ചിട്ടില്ലെന്നും അല് ഒതൈബി വ്യക്തമാക്കി.