‘എന്റെ പൂവണിയാത്ത സ്വപ്നമാണ് യാഥാർത്ഥ്യമായത്’ പി.ടി.ഉഷ
കോഴിക്കോട്: ടോക്കിയോ ഒളിമ്പിക്സിൽ ജാവലിൻ സ്വർണ്ണം നേടിയ നീരജ് ചോപ്രയെ അഭിനന്ദിച്ച് ഒളിമ്പ്യൻ പി.ടി.ഉഷ. തന്റെ ഒളിമ്പിക്സ് സ്വപ്നമാണ് നീരജിലൂടെ യാഥാർത്ഥ്യമാക്കപ്പെട്ടതെന്നാണ് പയ്യോളി എക്സ്പ്രസിന്റെ പ്രതികരണം. അത്ലറ്റിക്സിലെ ആദ്യ സ്വർണ്ണനേട്ടത്തിൽ നീരജിനെ പി.ടി.ഉഷ അഭിനന്ദിച്ചു. ട്വിറ്ററിലൂടെയാണ് നീരജിനൊപ്പം നിൽക്കുന്ന ചിത്രസഹിതം പി.ടി.ഉഷ അഭിനന്ദന സന്ദേശം അറിയിച്ചത്.
’37 വർഷങ്ങളായി പൂവണിയാതിരുന്ന ആ സ്വപ്നമാണ് ഇന്ന് യാഥാർത്ഥ്യമായത്. എന്റെ മകനേ നിനക്ക് ഏറെ നന്ദി. ‘ പി.ടി.ഉഷ ട്വീറ്റ് ചെയ്തു. ടോക്കിയോവിൽ നീരജ് ജാവലിൻ ത്രോയിൽ 87.58 ദൂരം കുറിച്ച് നേടിയ ഉജ്ജ്വല പ്രകടനത്തിന് പിന്നാലെയാണ് പി.ടി.ഉഷയുടെ പ്രതികരണം ചിത്രസഹിതം വന്നത്.
1984ലെ ലോസ്ഏയ്ഞ്ചൽസ് ഒളിമ്പിക്സിലാണ് സെക്കന്റുകളുടെ വ്യത്യാസത്തിൽ പി.ടി.ഉഷയ്ക്ക് വെങ്കലം നഷ്ടമായത്. 400 മീറ്റർ ഹർഡിൽസിലാണ് ഉഷ മത്സരിച്ചത്.
Realised my unfinished dream today after 37 years. Thank you my son @Neeraj_chopra1 🇮🇳🥇#Tokyo2020 pic.twitter.com/CeDBYK9kO9
— P.T. USHA (@PTUshaOfficial) August 7, 2021