LatestThiruvananthapuram
ഗ്ലോബല് സയന്സ് ഫെസ്റ്റ്: പ്രദര്ശനം 20ന് ആരംഭിക്കും
തിരുവനന്തപുരം തോന്നയ്ക്കലില് നടക്കുന്ന ഗ്ലോബല് സയന്സ് ഫെസ്റ്റിവല് കേരളത്തിലെ പ്രദര്ശനം ഈ മാസം 20ന് ആരംഭിക്കുമെന്ന് അധികൃതര് അറിയിച്ചു. ഫെസ്റ്റിവലിന്റെ ഉദ്ഘാടനത്തോടനുബന്ധിച്ച ഇന്നലെ മുതല് പ്രദര്ശനം ആരംഭിക്കാനാണു തീരുമാനിച്ചിരുന്നത്. എന്നാല് സാങ്കേതിക കാരണങ്ങളാല് പ്രദര്ശനം ആരംഭിക്കുന്നത് 20ാം തിയതിയിലേക്കു മാറ്റുകയാണെന്ന് സംഘാടക സമിതി ചെയര്മാന് കൂടിയായ ധനമന്ത്രി കെ.എന്. ബാലഗോപാല് അറിയിച്ചു.
ഫെസ്റ്റിവല് ടിക്കറ്റുകള് ഓണ്ലൈന് വഴിയും, 20 മുതല് ഫെസ്റ്റിവല് വേദിയില് സജ്ജീകരിച്ച കൗണ്ടറുകളില്നിന്ന് നേരിട്ടും ലഭിക്കും.