കെഎസ്ആര്ടിസി ബസ് യാത്ര ഇനി പാതി വഴിയില് മുടങ്ങില്ല
തിരുവനന്തപുരം: കെഎസ്ആര്ടിസിയുടെ ബസുകള് സര്വീസ് സമയത്ത് ബ്രേക്ക് ഡൗണ് അല്ലെങ്കില് അപകടം മൂലം തുടര്യാത്ര മുടങ്ങുന്ന സാഹചര്യം ഒഴിവാക്കാന് മികച്ച സംവിധാനങ്ങളുമായി കെഎസ്ആര്ടിസി രംഗത്തെത്തി.
യാത്രാവേളയില് ബസ് ബ്രേക്ക് ഡൗണ് അല്ലെങ്കില് ആക്സിഡന്റ് ആകുന്ന സാഹചര്യത്തില് കണ്ടക്ടര്മാര് അഞ്ചു മിനിറ്റിനകം തന്നെ ഈ വിവരം കണ്ട്രോള് റൂമില് അറിയിക്കണമെന്നാണ് നിര്ദേശം. അതിന്റെ അടിസ്ഥാനത്തില് കണ്ട്രോള് റൂമില് നിന്നും ഉടന് തന്നെ സമീപത്തുള്ള ഡിപ്പോയില് അറിയിക്കുകയും തുടര്ന്ന് 15 മിനിറ്റിനകം ഇതരമാര്ഗ്ഗം ഏര്പ്പെടുത്തുകയും ചെയ്യും എന്ന് കെഎസ്ആര്ടിസി പ്രഖ്യാപിച്ചു.
യാത്രാക്കാര്ക്ക് തങ്ങള്ക്കുണ്ടാകുന്ന ബുദ്ധിമുട്ടുകള് കണ്ട്രോള് റൂം നമ്പര് 9447071021,0471 2463799 ല് വിളിച്ച് അറിയിക്കാനും, ചിത്രങ്ങള് ഉള്പ്പെടെ കണ്ട്രോള് റൂം വാട്ട്സ്അപ്പ് നമ്പര് 81295 62972 ലേക്കും അയക്കുവാനുള്ള സൗകര്യവും ഉണ്ട്.