യുക്രൈനില് കുടുങ്ങിയ മലയാളികളുടെ സുരക്ഷയ്ക്കായി സാധ്യമായ എല്ലാ നടപടികളും സ്വീകരിക്കുന്നുണ്ടെന്ന് മുഖ്യമന്ത്രി പിണറായി വിജയന്.
ആവശ്യമായ സഹായങ്ങള് ഉറപ്പുവരുത്തുന്നതിനായി 24 മണിക്കൂറും പ്രവര്ത്തനസജ്ജമായ സെല് നോര്ക്കയില് ആരംഭിച്ചു. നോര്ക്കയുടെ ഇ മെയില് വിലാസം വഴിയും സേവനം പ്രയോജനപ്പെടുത്താം. കഴിഞ്ഞ ദിവസം പകല് 22 യൂണിവേഴ്സിറ്റികളില് നിന്നായി 468 വിദ്യാര്ത്ഥികളും രാത്രി 20 യൂണിവേഴ്സിറ്റികളില് നിന്ന് 318 വിദ്യാര്ത്ഥികളും നോര്ക്കയുമായി ബന്ധപ്പെട്ടുകഴിഞ്ഞെന്നും മുഖ്യമന്ത്രി അറിയിച്ചു.
മുഖ്യമന്ത്രി പറഞ്ഞത്: ഉക്രയ്നില് കുടുങ്ങിയ മലയാളികളുടെ സുരക്ഷയ്ക്കായി സാധ്യമായ എല്ലാ നടപടികളും കൈക്കൊണ്ടു വരികയാണ്. അവര്ക്ക് ആവശ്യമായ സഹായങ്ങള് ഉറപ്പുവരുത്തുന്നതിനായി 24 മണിക്കൂറും പ്രവര്ത്തനസജ്ജമായ സെല് നോര്ക്കയില് ആരംഭിച്ചു. നോര്ക്കയുടെ ഇ മെയില് വിലാസം വഴിയും സേവനം പ്രയോജനപ്പെടുത്താം. കഴിഞ്ഞ ദിവസം പകല് 22 യൂണിവേഴ്സിറ്റികളില് നിന്നായി 468 വിദ്യാര്ത്ഥികളും രാത്രി 20 യൂണിവേഴ്സിറ്റികളില് നിന്ന് 318 വിദ്യാര്ത്ഥികളും നോര്ക്കയുമായി ബന്ധപ്പെട്ടുകഴിഞ്ഞു.